بالصور| نهائي أفريقيا.. شعرة نجاة للباعة الجائلين بعد شهور من الركود بالإسماعيلية

رواجًا كبيرًا شهدته حركة بيع أعلام مصر في شوارع الإسماعيلية، فيما انتشر الباعة الجائلون في إشارات المرور والميادين العامة وأماكن المتنزهات، قبل ساعات من بدء مباراة مصر والكاميرون في نهائي كأس الأمم الأفريقية بالجابون.

أعلام مختلفة الأحجام رفرفت في شوارع المدينة، وعلق مواطنون الأعلام على الشرفات والبلكونات للمشاركة في تشجيع المنتخب الوطني في مباراته النهائية مساء اليوم.

ورغم ارتفاع أسعار الأعلام خلال الـ 48 ساعة الأخيرة، بنسبة 50% إلا أنه مازال هناك إقبال كبير على شرائها خاصة من الشباب والسيدات.

وقال مصطفى أحمد بائع متجول، إن أسعار الأعلام زادت في 48 ساعة من أجل الماتش.. تجار الجملة رفعوا علينا الأسعار لما لقوا فيه إقبال على الشراء".

وتابع: "العلم الحجم الصغير اللي كان بـ 5 جنيه بقت بـ 7 جنيه.. والعلم اللي كان بـ 7 جنيه بقا بـ 10 جنيه.. والعلم اللي بـ 15 جنيه بقه بـ 25 جنيه".

وأضاف: "الدنيا شغالة اليومين دول بس عشان الماتش وإحنا فرحانين عشان الحالة واقفة بقالها فترة ورجعت اشتغلت".

وقال محمود علي، بائع إن "الحالة ناشفة بقالها فترة والبيع واقف.. وزيادة الأسعار خلت الناس متفكرش تشتري حاجة.. لكن البطولة جت لنا شعرة نجاة من عند ربنا عشان نشتغل شويه.. ولو كسبنا هنبيع أكتر أكيد وده هيشغلنا أكتر ليومين كمان".
 

وأضاف: "احنا شغالين في كل حاجة حسب الموسم.. لكن الفترة اللي فاتت لا عرفنا نبيع في الأعياد ولا في احتفالات المسيحيين ولا في إجازة نص السنة ولا أي حاجة".

وقال يحيى محمد، 9 سنوات: "انا إشتريت علم وعلقته في العربية عشان أشارك في تشجيع المنتخب مع إخواتي". وقال حمزة محمد زكريا 9 سنوات "انا جبت زمارة وعلم عشان الماتش".