في إجازة نصف العام .. ماذا تفعلين مع طفلك؟
قدمت الدكتورة غادة حشاد المحاضر المختص في العلاقات التربوية والأسرية نصائح للآباء لاستثمار فترة إجازة نصف العام.
وقالت حشاد: "معظم الناس مش ماشيين على منهج ثابت في تربية أبناءها، عايشين بنرتجل تيجي الدراسة نطحن الأولاد مذاكره وقراءه، وتيجي الإجازة ننسى كل ده، ثم تيجي الدراسة مرة أخرى نرجع نشتكي الولد تحصيله ضعيف الولد مش عارف يقرأ، طبعا لأنه نسي كل حاجة، ومخه كان خملان طول الإجازة".
وأضافت حشاد عبر فيسبوك: "دي حاجة والحاجة التانية أننا بنعلمهم يكونوا متناقضين مع نفسهم، طب إزاي الطفل هايثق فينا وفي العالم من حوله، وإزاي يكون في ارتباط بين المدرسة والواقع اللي عايشينه".
وتابعت: "أنا بكتب الكلام ده علشان لفت انتباهي درس قراءة في كتب الصف الثالث الابتدائي بيتكلم عن أهمية القراءة، طب إزاي الطفل مطلوب منه يحفظ الدرس ويمتحن فيه ومفيش تطبيق على الواقع، إزاي الطفل هايقتنع بالتعليم الأكاديمي ويبدع فيه وهو حاسس أنه منفصل عن الواقع".
وعن الحل، طالبت حشاد الآباء بضرورة القيام بدورهم في تعليم الأبناء وإكمال التعليم الأكاديمي، لافتة إلى أنه يجب على الطفل أن يقرأ درسا عن أهميه القراءة، ليتبع الآباء القيام بشراء قصص تحفزه على القراءة.
وقدمت الاستشارية التربوية مثالا للآباء: "قدم للطفل درس معلومات تاريخية أو علمية أو دينية، واعمل معاه أبحاث ولو في الإمكان وديه أماكن أثريه يشوف الآثار بعنيه وهكذا".
وتساءلت حشاد: "أحنا بنعلم أولادنا وبنربيهم ليه؟ بنطحنهم في المدارس ليه؟ محدش يقول علشان يدخلوا كلية كذا أو كلية كذا.. لأ أحنا بنعلمهم علشان يطلعوا أفراد أسوياء ينفعوا نفسهم والمجتمع في أي وظيفة يتحطوا فيها، علشان يكونوا أسر سوية ويخلفوا أطفال أسوياء".
وقدمت الاستشارية الأسرية نصيحة للأمهات، قائلة: "لكل أم طالما أنتي كنتي بتقدري تقعدي مع ولادك طول النهار مذاكرة وحفظ؛ يبقى أكيد هاتقدري تقعدي معاهم ساعة للقراءة والمطالعة، ساعة واحدة بس علميهم القراءة، علميهم المطالعة، علميهم أن النت مش لعب وبس، وأنهم ممكن يتعلموا حاجات كتيرة منه".
وأضافت حشاد: "ارسمي معاهم"، لافتة إلى أن الرسم "بيقلل القلق والتوتر، وأنك لو اندمجتي في الرسم مع الولاد هاتنسي كل مشاكلك وهمومك، كفايه كآبة وضرب في العيال بسبب نفسيتك التعبانة، استمتعي بيهم، دول نعمة من عند ربنا".
