6 إبريل عن تصريحات فرج عامر: فشل سياسات النظام لم تترك أحد

علقت حركة شباب 6 إبريل، على تصريحات رجل الأعمال فرج عامر، بنقص الخامات الأساسية، مما تسبب في عدم عمل المصانع بكامل طاقتها.

وقالت الحركة في تدوينة عبر صفحتها على موقع التواصل الاجتماعي "فيس بوك": "شخص من أكبر رجال الأعمال في مصر، وصاحب مجموعة فرج الله، وبرلماني، ورئيس نادي سموحة، وبرضه الأزمة الاقتصادية وفشل سياسات هذا النظام طالوه وبيشتكي منهم".

وتابعت: "فما بالكم بالطبقات المتوسطة واللي تحت المتوسطة، وما بالكم باللي تحت خط الفقر، يا تري إيه حالهم دلوقتي، ويا تري دولة القوات المسلحة الشقيقة اللي بسياساتها الاحتكارية بتضارب في المستثمرين، وبكده بيضربوا الاقتصاد في مقتل، يا تري بيشتكوا ليه من الأزمة اللي هم السبب فيها، وكمان بيطالبوا الشعب اللي ملوش ذنب فيها إنه يجوع ويستحمل عشان يصلح فشلهم".

وأضافت: "صاحب بالين كداب، يا تحلوا الأزمة لوحدكوا ومترموش حاجة علي الشعب وتشيلوا فشلكوا بنفسكوا، يا تسيبوها للي بيفهم وتخليكوا في اللي بتفهموا فيه".

وندد المهندس فرج عامر، رئيس لجنة الشباب والرياضة بالبرلمان، بنقص الخامات الأساسية، مما أدى لعدم وجود مصنع غذاء في مصر يعمل بكامل طاقته.