شذى لـ عبد الباسط حمودة: الأغنية اللي اتعرفت بيها كنت تايه فيها

أدانت الفنانة الشابة شذى، تصريحات المطرب الشعبي عبد الباسط حمودة، الذي انتقد تصريحها بأنها لم تغني في شارع الهرم.

وقالت في تدوينة عبر صفحتها الرسمية على موقع التواصل الاجتماعي "فيس بوك": "بالنسبه للأستاذ عبد الباسط حمودة، أنا سكت أول مرة وقلت راجل كبير وعيب أرد شارع الهرم اللي بنسبالك مقياس والموالد اللي واضح إن من كتر ما انت غنيت فيهم مضيقينك فبتحاول تعمل فيها متقبل الموضوع وبتقول وترد على نفسك".

وتابعت: "وأساسًا محدش عاب على اللي بيغنوا في موالد ولا شارع الهرم م كل واحد يغني مكان مهو حابب محدش يقدر يقيم حد ولا يحكم على حد، أنا فعلاً محالفنيش الحظ الفظيع إني أغني فيهم اعملك إيه طيب؟، انت ليه بتحاول تعمل حوار وموضوع، للأسف يا سي عبد الباسط أنا مغنتش في موالد ولا غنيت في شارع الهرم ولا كنت مع اللي راحوا الهرم ولا بتنصل والواقع ان فيه اختلاف ثقافات وتربية وأسلوب".

وأضافت: "وبالنسبة لأنك فجأه عملت فيها (بيتهوفن الفن) فأنا غصب عنك فنانة مش عافية مني ومش رأيي ده رأي الجهات المحترمه المعنية بالفن المحترم زي دار الأوبرا اللي اتشرفت وكنت صوليست فيها وطبعًا مش هتفهم يعني إيه صوليست فهترجمهالك بلغتك يعني بقدم (نمرة لوحدي)على أوركسترا بيقودها دكتور سليم سحاب، وواحدة تانية كان بيرؤسها الدكتورة رتيبة الحفني الله يرحمها".

وواصلت: "فلو سمحت لما تطلع تاكل عيش في البرامج متحكيش في المحكي وتجيب في سيرتي وتبروز نفسك وتعمل فيها فلوطة لأنك نص معلوماتك الفنيه في الحلقة رايحة في داهية".

واختتمت: "وطبعًا أكيد مش هتفهم ولا حرف من اللي أنا كتباه ده لأن أساسًا الأغنية اللي ضربتلك واتعرفت بيها كنت أساسا تايه فيها، وطول مدة الأغنية مش عارف نفسك يعني واحد طول الأغنيه بيقول (أنا مش عارفني أنا تهت مني) هعتب عليه في إيه والنبي لما يلاقي نفسه بقى نبقى نتفاهم".

وانتقد المطرب الشعبي عبد الباسط حمودة، خلال لقائه في إحدى حلقات برنامج العاشرة مساءً، تصريحات الفنانة شذى بأنها لم تغني في شارع الهرم.