في 13 نقطة.. أسباب تؤهل الفتيات للالتحاق بالجيش

نشرت صفحة "خمس بلس حاجات" الساخرة، على موقع التواصل الاجتماعي "فيس بوك"، 13 سببًا يثبت أن البنات مؤهلة للجيش.

 

1.لو على الصحيان بدري، فالستات متعودة تصحى مع ولادها من الفجر عشان تجهز الساندوتشات وحاجات المدرسة.

 

2.بالنسبة لتحمل المشاقة والألم، اتحملنا في ولادة من غير بينج أو تعبانة، ولازم تقومي تخلصي اللي وراكي.

 

3.التعاملات الحمد لله، اتعمالنا مع جميع الفئات السايس، الصنايعي، البواب، المدرسين، الأطباء.

 

4.بالنسبة للأعداء، كل ست بتعرف إزاي تروض حماتها وأهل جوزها وتكسبهم في صفها، أو تنتصر عليهم.

 

5.واخدين على الأكل القليل، الست بتشيل اللقمة من بؤقها عشان ولادها وأسرتها.

 

6.التوفير لعبتنا بنعمل ميزانية محترمة ونقدر نعمل ميزانية بلد كاملة.

 

7.التعامل مع الإصابات طول اليوم، نلحق مين اتلسع ومين اتعور ومين وقع.

 

 

8.الستات عندها قدرة تعمل حاجات كتير مع بعض، بتعمل الغذاء وبتكوي وتذاكر وتتكلم في التليفون في نفس ذات الوقت.

 

9.بالحاسة السادسة نقدر نخترق خطوط الأعداء وندمرها.

 

10.عندنا قدرة على التعامل مع الأزمات وتحمل النكد من اللي شفناه.

 

11.عن الاشتباك بالأيدي طول اليوم، بندافع عن نفسنا ضد التحرش وعندنا أسلحتنا المدمرة.

 

12.بالنسبة للخدمة الليلية والسهر، إحنا طول الليل سهرانين مع الأولاد ونقدر نقوم الصبح ونكمل يومنا بكل نشاط.

 

13. الست بتكون أم وأب وزجة وموظفة في نفس الوقت، تفتكره مش هتقدر تقود جيش؟.

 

 

ونشرت الجريدة الرسمية قرارًا، يوم 4 يناير الجاري، نص على تكليف الإناث جميعًا من خريجى الجامعات والمعاهد العليا دور ثان 2016، والذكور ممن تقرر إعفائهم من الخدمة العسكرية وممن يزيدون على حاجة القوات المسلحة بشرط مضى ثلاثة سنوات من تاريخ وضعهم تحت الطلب ومن خريجى الجامعات والمعاهد العليا دور ثان 2016.

 

وتضمن القرار أن على المكلفين صدور قرارات بتكليف دفعاتهم وتخلفوا عن أداء الخدمة العامة في المواعيد المقررة أن يتقدموا لتسجيل أنفسهم بمكتب الخدمة العامة بدوائر محال إقامتهم في مواعيد العمل رسميًا 1/1/2017.

ويكون التكليف لهذه الدفعة في مجالات "النيابة العامة، التأمينات اﻹجتماعية، أطفال بلا مأوى، رعاية اﻷيتام، رعاية المسنين، بنك ناصر، محو اﻷمية، تكافل وكرامة، التعداد، اﻷسر المنتجة، خدمات الطفولة، والخدمات التعليمية".