مي كساب عن حبس أوكا: زوجي مظلوم وضحية تعليمه الضحل وسذاجته

قالت الفنانة مي كساب إن حبس زوجها المطرب "أوكا" هو من أصعب المواقف التي مرّت بها طوال حياتها، مؤكدة على أنه "مظلوم".

وكتبت "كساب" عبر صفحتها الرسمية على موقع "فيس بوك": "كل اللي يعرفني من قريب يعرف كويس إني عمري ما كرهت حد ولا عمري أذيت حد ولا عمري عملت تصرف مخل بالشرف ولا اتنازلت عن شرفي ولا كرامتي في يوم من الأيام واستحملت ظلم كتير واضطهاد ومحسوبيات وكنت طول الوقت باصبر نفسي بكلام أبويا الجميل اللي رباني على القناعة كان دايما يقولي انتي عامله زي عسكري في الجيش كل شوية بيترقي بجهده وتعبه ويتنقل من سلاح لسلاح".

وتابعت مي: "أنا مريت بظروف صعبة كتير في حياتي بس للآسف بقالي ٤ سنين مش بشوف يومين حلوين على بعض، أنا بعيش أقسى أيام حياتي من يوم ١/١٢/٢٠١٢ يوم ما اكتشفت إن أمي عندها السرطان وأنا مش مي أنا واحدة تايهة مش لاقية نفسها. موت أمي كسرني ومن بعدها أحداث كتير قوي وجعتني، القريبين مني عارفين أنا استحملت حاجات صعبة كتير قد ايه السنين اللي فاتت بس الصراحة ده أصعب موقف اتحطيت فيه من يوم ما اتولدت مش عشان ده جوزي وحب عمري وإحساسي بعدم وجوده جمبي كان روحي متاخده من جسمي، لا عشان متأكدة أنه مظلوم، متأكدة أنه ضحية طيبته وسذاجته، وللآسف ضحية تعليمه المتواضع الضحل ضحية ثقته الزياده عن اللزوم في أي شخص يقرب منه ويضحك عليه ويقوله أنا هعملك ويوعده وعود كدابه وفي الآخر يستغله ويورطه طبعا لما باتكلم عن محمد كأني باتكلم عن أحمد كمان أوكا وأورتيجا روح واحدة في جسدين".

وأضافت مي: "ثقتي  في رب العالمين كبيرة جدا إنه هينصرهم ويفك كربهم ثقتي في عدالة القضاء العسكري كبيرة أنه مش هيظلمهم ثقتي في قلوبكم الرحيمة كبيرة إنكم هتقفو جمبهم ادعولهم وادعموهم أقسم بالله العلي العظيم أوكا وأورتيجا مظلومين".

وكان مطربا المهرجانات "أوكا وأورتيجا" توجها للسفر إلى الإمارات، صباح الخميس الماضي، قبل أن يفاجئا بوجود اسمهما على قوائم المنع من السفر، بناءً على تعليمات مصلحة الجوازات، وقرر المدعي العام العسكري، حبس "أوكا وأورتيجا"، 15 يومًا احتياطيًا على ذمة التحقيقات التي تجريها النيابة العسكرية.