بالفيديو..علي جمعة يرد على متصل مسيحي "هل ضحايا الكنيسة شهداء"

وجه متصل قبطي يدعى عماد سؤال للشيخ علي جمعة مفتي الجمهورية السابق قال فيه:"ايه وضع المسيحيين في الحادث الي حصل من منظور إسلامي هل هم شهداء أم مجرد ضحايا أم مواطنين درجة ثانية".

ورد جمعة قائلا: "أنت مسيحي لك إيمان بالخلاص والقسيس بيقولك الخلاص هو يسوع المسيح، والبلد بتاعتنا دي تسألني فيها هو أنا إيماني بالقسيس ده ينفع ولا لأ فأقولك اتفضل في حرية في الاعتقاد في هذا البلد، ونحن نعتقد أن كل واحد له خلاصه وأنا أعتقد أن خلاصي في الإيمان بالنبي محمد وانت معندكش الإيمان بمحمد في الخلاص بتاعك".

وقال علي جمعة:"كل ديانة مهما كانت هذه الديانة سواء كانت يهودية أو مسيحية هي التي تقرر لأتباعها من يعتبره شهيدا والمسيحيين بكل طوائفهم يعتبرون هؤلاء شهداء عند الله والي يقولك هتدخل الجنة مينفعش يبقى الشيخ بل القسيس فحضرتك لما تسأل الشيخ هيكون مش عارف".