بعد انفجار التجمع.. حجاجوفيتش يكشف مراعاة أوروبا لمواطنيها خلال تركيب خطوط الغاز

علق الرحالة الشهير أحمد حجاجوفيتش، على انفجار خط الغاز بمنطقة التجمع الخامس، بسبب لودر صرف صحي، موجهًا رسالة إلى الحكومة.

ونشر "حجاجوفيتش"، فيديو عبر صفحته الرسمية بموقع التواصل الاجتماعي "فيس بوك"، معلقًا: "بعد حادثة إنفجار ماسورة الغاز النهاردة بسبب إن عامل صرف صحي بيحفر بلودر كسر الماسورة، لازم الحكومة تشوف إزاي الأوروبيين لما بييجوا يركبوا مواسير (غاز ، مياة ، كهرباء ، إنترنت، بترول ، صرف صحي، أي حاجة)، إزاي كل حاجة بتبقي مدروسة صح و معمولة بضمير، عشان مفيش واحد بتاع صرف صحي يفجر ماسورة غاز ويقتل الناس، ولا واحد بتاع غاز يكسر ماسورة صرف صحي ويغرق الشوارع والناس تمرض، ولا واحد بتاع كهرباء يقطع سلوك الإنترنت ويعذب الناس".

وأضاف: "الأغرب إنهم لما بيحفروا الشارع عشان يعملوا أي حاجة أو يدخلوا أي مواسير جديدة، لازم يعملوا حساب المستقبل والتكنولوجيا الجديدة اللي ممكن تطلع ويحطوا مواسير إحتياطي، عشان ممنوع يحفروا تاني نفس الشارع لمدة ٥٠ سنة، حجاجوفيتش راح إشتغل مع عمال حفر مواسير الكهرباء يوم واحد في الشوارع العمومية في أوروبا عشان يعرف يصور الفيديو ده".

وتلقت غرفة عمليات النجدة، بلاغًا يفيد بانفجار خط غاز، واشتعال النيران قبل مدخل شارع التسعين بالتجمع الخامس، مما تسبب في توقف الحركة المرورية.
 

وأعلنت وزارة الصحة أمس السبت، عوفاة حالة من مصابي انفجار خط الغاز بالتجمع الخامس، وارتفاع عدد الإصابات إلى 17 حالة.