تامر أبو عرب: كيف دخلت سحر الهواري البرلمان وهي متهمة بنهب البنوك؟

علّق الكاتب ومقدم البرامج، تامر أبو عرب، على الحكم الصادر ضد سحر الهواري، عضو مجلس النواب، بالسجن 5 سنوات، لإعلان إفلاسها وتوقفها عن سداد ديون لبنك القاهرة.

وكتب «أبو عرب» عبر حسابه الشخصي على موقع «فيس بوك»: «سحر الهواري اللي دخلت السجن دلوقتي بتهمة الفساد والتلاعب وسرقة ربع مليار جنيه من البنوك نائبة في البرلمان، نجحت في الانتخابات على قائمة "في حب مصر"، وبعد نجاحها دخلت ائتلاف "دعم مصر" وكلنا طبعا عارفين إزاي الأجهزة الأمنية والسيادية كانت بتختار كل واحد يدخل الانتخابات في القايمة دي على الفرازة زي ما أكد رئيسها الراحل سامح سيف اليزل بنفسه».

وتسائل «أبو عرب»: «طيب إزاي اختاروها تدخل الانتخابات وتاخد كرسي على قوايمهم وهم عارفين كويس إن هي وأخوها متهمين بنهب أموال البنوك وصدرت ضدهم أحكام سابقة خصوصا إن الموضوع محصلش امبارح بالليل ده من سنة 98؟.. لأن الموضوع ببساطة إن تحريات واعتبارات الأجهزة الأمنية مش مهم عندها تكون حرامي ولا فاسد المهم متكونش استغفر الله العظيم معارض أو بتاع حقوق إنسان وكلام فارغ من ده، غير كدة كله ماشي، وعلشان كدة بنلاقي البرلمان بيسقط عضوية أنور السادات أصله أساء لصورة البرلمان ومصر في الخارج، في حين إنه بيرفض طلبات لمجرد رفع الحصانة عن أعضاء متهمين بجرائم مثبتة زي مرتضي منصور اللي هدد واحد بالقتل، وحسين عيسى رئيس جامعة عين شمس السابق المتهم بإهدار فوق ال100 مليون جنيه خلال رئاسته للجامعة، وغيرهم وغيرهم».

وأوضح «أبو عرب»: «يعني مش مهم خالص تبقى حرامي وللا فاسد وللا مجرم، كفاية تقول إنك بتحب مصر وبتدعم مصر وتتبرع لتحيا مصر وتشتم في العيال بتوع الثورة، واحنا ممكن نلف لك مصر نفسها في لفة هدايا وتاكلها بالهنا والشفا».

وكانت محكمة جنايات الإسكندرية الاقتصادية برئاسة المستشار أمير العدلي أمير، قد قضت بمعاقبة كل من سحر الهواري، عضو مجلس النواب، وشقيقيها حاتم وحازم الهواري، بالسجن لمدة 5 سنوات، لـ«تفالسهم بالتدليس في الفترة السابقة من عام 1998 بإجمالي مبلغ 238 مليون جنيه للتهرب من سداد ديونهم».