فيديو.. سالم عبد الجليل لـ"المسيحيين": عقيدتكم فاسدة.. وارجعوا إلى ربكم

قال الشيخ سالم عبد الجليل، وكيل وزارة الأوقاف السابق، إن عقيدة اليهود والنصارى "فاسدة وضالة"، لكن لهم عند المسلمين التعايش والمحبة والمعاملة الحسنة.

وأضاف عبد الجليل، خلال برنامجه "المسلمون يتساءلون" المذاعة مساء أمس الثلاثاء على قناة "المحور": "لعل المقصود بالآية القرآنية من (كفروا بعد إيمانهم) يكون اليهود أو لعلهم بعض النصارى لأنهم آمنوا بموسى وآمنوا بعيسي وكفروا بمحمد، نذكرهم بمحمد، فيقولوا لا احنا كدة كويسين"

.

وتابع: "والله المشايخ اللي بيطلعوا يقولوا للمسيحين أنتم مؤمنين ضللوهم وما خدموهم، هيفرحوهم دلوقتي، ويوم القيامة سيقف هؤلاء على الصراط وهيقولوا يا رب فلان دة قالنا انتوا مؤمنين ضللنا، جايز لو كان قال لنا لأ انتوا غلط كنا فكرنا".

وأردف عبد الجليل: "انتبهوا يا مشايخ اللهم بلغت اللهم فاشهد، يا يهود و يا نصارى أنتوا طيبين وبشر وهنعاملكم كويس لكن الفكر اللي انتوا عليه والعقيدة اللي انتوا عليها عقيدة فاسدة، ارجعوا لربكم".

واسترسل: "أنتوا أخواتنا ونعيش مع بعض في هذا العالم حتى لو خارج أوطانا مش بس في الوطن، لكم عندنا المعاملة الحسنة، لكن من حيث العقيدة لازم تعرف كويس انه لا، عشان متجيش تقول محدش قالي، أصل المشايخ قالوا إنتوا صح أنتوا مؤمنين، لا، وما هيجي يوم القيامة اللي كانوا مؤمنين بالمسيحية إيمان صحيح قبل النبي محمد صلي الله عليه وسلم ولما بعث النبي كفروا، هيتقال لهم إن الذين كفروا بعد إيمانهم ثم ازدادوا كفرًا لما ذكروا بالرسول محمد كانوا بيزدادوا كفرًا، لن تقبل توبتهم، وعند الحشرجة ينتظروا عيسي الله ليخلصهم فإذا بهم يدركون، مش هيلاقوا سيدنا عيسي مش هيلاقوا غير ملائكة العذاب وملائكة الموت، ساعتها هيبقي عايز يرجع، هيقولوا له خلاص معدش ينفع، لن تقبل توبتهم فهؤلاء هم الضالون".

شاهد الفيديو..