بعد تشديد الرئيس على استعادة أراضي الدولة.. طارق العوضي: هو مين مستشاره القانوني؟

علق المحامي والحقوقي، طارق العوضي، على حديث الرئيس عبدالفتاح السيسي عن ظاهرة وضع اليد على الأراضي المستصلحة، قائلًا: «هي مش طابونة.. اللي عايز حاجة ياخدها».

وقال العوضي عبر صفحته الشخصية بموقع التواصل الاجتماعي "فيس بوك": "بعد تعليمات السيسي بنزع أراضي وأضعي اليد، الطلعة الجاية لمجلس النواب إلغاء نص القانون المدني الذي يعتبر وضع اليد لمدة ١٥ عامًا سبب من أسباب كسب الملكية"، متسائلًا في الوقت ذاته: "هو الراجل ده مين مستشاره القانوني؟".

وكلّف الرئيس السيسي، في كلمته خلال افتتاح عدد من المشروعات بمحافظات الصعيد على هامش زيارته لمحافظة قنا اليوم، القوات المسلحة والشرطة بإنهاء ظاهرة وضع اليد على الأراضي المستصلحة بحلول نهاية مايو الجاري، مؤكدًا: «مش هيبقى مقبول في مصر تاني، ومحدش يمد إيده ويقول الأرض دي بتاعتي ودي بتاعة مصر، ومش من حقي أديهالك، والكلام ده غير مقبول في أي حتة في مصر، ومحدش ياخد حاجة مش بتاعته وهي مش طابونة اللي عايز حاجة ياخدها».

وطالب الرئيس السيسي، القوات المسلحة والشرطة بإعطائه تمامًا بإنجاز المهمة بنهاية الشهر الحالي، واستعادة الأراضي المغتصبة بالكامل، وقال منفعلًا: «اللي يتكلم على المحكمة على طول، والكلام ده آخر الشهر، آخد تمام باستعادة الأراضي بالكامل، واللى يتكلم على المحكمة على طول».