شقيق طارق حسين: أخويا عليه 11 قضية ملفقة.. بعضها وهو طفل

كشف محمود حسين الشهير بـ«معتقل التيشيرت» عن الفيش الجنائي لشقيقه طارق حسين «تيتو»، المحامي بمركز الحقوق الاقتصادية والاجتماعية، والذي أُلقي القبض عليه منذ يومين.

وكتب محمود عبر حسابه الشخصي على موقع «فيس بوك»: «الفيش الجنائي بتاع طارق.. إمبارح ظهر على طارق أخويا ١١ قضية بتواريخ مختلفه بدايتها من ٢٠١٠ رغم إنه كان طفل في الوقت ده».

ودلل "محمود" على تلفيق تلك القضايا بصورة من صحيفة الحالة الجنائية لشقيقه بتاريخ 17/10/2016، مكتوب فيها: " لا توجد أحكام جنائية مسجلة".

تابع: «دلوقتي بقى الصورة دي صورة الفيش الجنائي بتاع طارق أخويا لحد ١٧/ ١٠ / ٢٠١٦ يعني كل اللي ظهر عليه ده مجرد تلفيق بردوا بالفيش بتاعهم يبقى فيه لعب في الورق بتاعهم اللي هما جايبينه لينا وبيقولوا تهم على أخويا».

واختتم محمود حديثه قائلًا: «أخويا محامي مش بلطجي واللي بيحصل معاه ده اللي بلطجة وتعنت واضح وفيه لعب في الأوراق بتاعتهم».

وكانت قوات الأمن قد ألقت القبض على طارق حسين، فجر الأحد الماضي، ووُجهت له اتهامات: «الإنضمام لجماعة الإخوان المسلمين، والتحريض على التظاهر».