المايوه الشرعي.. المشاهير يعلقون على جدل البوركيني (فيديو)
حالة من الغضب والجدل أثيرت بسبب «المايوه الشرعي» أو «البوركيني» بعد فيديو انتشر عبر مواقع التواصل الاجتماعي لرواد أحد المسابح، يتشاجرون مع سيدة محجبة لمنعها من نزول حمام السباحة.
وبدأ الجمهور والمشاهير من الفن والإعلام في التفاعل مع الواقعة، ووصفها البعض بأنها عنصرية اتجاه المحجبات فضلًا عن عدم احترام حرية الآخر.
الإعلامية الشهيرة رضوى الشربيني علقت على هذا الجدل بجموعة من التغريدات عبر حسابها الرسمي على تويتر، قائلة: "يعنى ايه واحده رايحه تنزل بحر...يتقال لها لأ مش هينفع علشان انتى محجبه ! رايحه تسهر مع جوزها فىً حته تتمنع من الدخول علشان هى محجبه ! تيجى تشترى وحده سكنيه فىً مكان المفروض انه راقى يتقال لها لا مش هنبيع علشان انتى محجبه ! زى ما الست اللى مش محجبه حره...الست المحجبه كمان حره".
وعادت وكتبت مرة أخرى: "الواحد مش فاهم...نفس المجتمع اللى بيقول انها تلبس وتبقى محتشمه علشان محدش يتحرش بيها... هو هو اللى بيطلب منها تبقى غير محتشمه علشان تبقى متحضره و يوافقوا انها تخرج و تنزل البحر معاهم!".
لمعرفة المزيد عن تفاعل المشاهير مع جدل البوركيني.. شاهد الفيديو|
المطرب الشاب تميم يونس ظهر في فيديو له عبر حسابه على إنستجرام، وفسر سبب هذا الجدل الذي أثير مؤخرًا.
وقال تميم: "أنا سعيد إن الموضوع اتفتح والناس وأصبحت تتحدث عنه، أنا كنت في شغلي بالإعلانات في عملاء كثر لما بقول إن الكاست بيكون فيه محجابات يقولك لا مش عايزين، بالرغم من إحنا في بلد كلها محجابات، لكن البعض ينظرون للمحجابات أنها بيئة، لكن لا يوجد قانون بيمنع المحجابات من دخول مكان أو نزول حمام السباحة".
وأعربت النجم إيمان العاصي عن غضبها، قائلةً: "حاجة في منتهى العنصرية والغباء بجد، مش من حق أي حد يفرض على أي بني آدم يلبس إيه وما يلبس إيه، طالما الخامات مطابقة للمواصفات، يبقى مش من حق حد يمنع أي حد، حاجة مستفزة جدًا بجد".
(1).jpg)
وتعود بداية الواقعة لمقطع فيديو انتشر على موقع التواصل الاجتماعي، "فيس بوك"، تظهر فيه إحدى السيدات وهى تطلب من سيدة أخرى الخروج من حمام السباحة لارتدائها "البوركيني"، وسط سخط من البعض الذين اتهموا السيدة الأولى بالعنصرية.
وبدأ هذا الجدل يأخذ شكلًا واسعًا، عندما انتشر فيديو تظهر فيه إحدى السيدات وهى تطلب من سيدة أخرى الخروج من حمام السباحة لارتدائها "البوركيني".
الفيديو نشره زوج السيدة التى كانت ترتدي "البوركيني"، مصحوبا بتدوينه قال فيها: "طبعا كل الناس اللي عرفانى عارفة انى مش بتكلم أو بعلق كتير على حاجة بس حصلت معايا النهاردة.. مشكلة انا شايف انها مينفعش نسكت عليها عشان دى هتكون مثال لنا ولأخواتنا وزوجاتنا ولأجيال ورانا كتير ولازم الناس دى تتغير ويكون لها عقاب زي ما ابتدينا نتغير ونغير عقول ناس كتير ومرضى كتير فى مجتمعنا".
وأضاف: "ده فى مثال واقعى حصل لمراتى النهاردة وانا معاها فى pool فى ستيلا الساحل. لقيت سكان جايين يقولولها واحنا فى الماية مينفعش تنزلى باللبس ده او بالمايوه ده !! قالت ليه بكل استغراب وخوف كما لو كانت عملت حاجة غلط. واحدة عندها شاليه زيها زي اى حد و ييجى ناس يقولوا لها اخرجى عشان انتى لابسة مايوه شرعى ومضايقة عيوننا بيه!!هنا كله لابس بيكينى او one piece".
