صور| بـ 5 تغريدات.. شيرين تتحدث عن عيد ميلادها الـ40 وهكذا هنأها النجوم

احتفلت النجمة المصرية شيرين عبد الوهاب بعيد ميلادها الـ40، وحرص النجوم على تقديم التهاني لها، كما عبرت النجمة عن سعادتها وأهمية هذا اليوم بالنسبة لها.

 

 

في البداية شكرت شيرين كل من حرص على تقديم التهاني لها، وكتبت :"كل سنة وإنتم عيدي. دعاء أمي ليا كان محبتكم، ورضا ربنا عليا محبة الناس .. ديمها عليا يا رب! السنة دي أول مرة بيجي عليا يوم ميلادي وألاقي نفسى بضحك وسعيدة".

 

 

وفي تغريدة أخرى أوضحت أهمية يوم عيد ميلادها، قائلة :"كل سنة كان بيكون اليوم ده بالنسبالي يوم حساب أنا عملت إيه ومعملتش إيه وكان لازم أعمل إيه، لكن السنة ديه حاسة ان فيه حاجة مختلفة وأهدافي اختلفت".

 

 

ووصفت حالتها في عيد ميلاها الـ40 "سعيدة وبضحك علشان ببص علي كل حاجة بإيجابية، زي إني الحمد لله على مدار ٢٠ سنة مقصرتش في شغلي وعملت شغلي بمنتهى الحب والحمدلله نجحت في كل حاجة عملتها وربنا كان توفيقه كبير".

 

ولم تنس التعبير عن حبها لزوجها المطرب والملحن حسام حبيب، وقالت :"على المستوي الشخصي انا سعيدة جداً بأحسن زوج في الدنيا لأنه جوزي و أخويا وصديقي وإبني و سعيدة ببناتي وعيلتي ربنا يباركلي فيهم وكل جمهوري في الوطن العربي كله اللي بيخليني احس أن كل البلاد بلدي".

 

 

واختتمت حديثها بتغريدة جاء فيها :"سعيدة بنجاحي ونجاح زمايلي وزميلاتي علشان احنا بنسعد الناس بشغلنا وأتمنى يبقوا بصحة كويسة وبشكر كل إنسان ساعدني في حياتي علشان أوصل للي انا فيه دلوقتي".

 

 

 

وحرصت النجمة السورية أصالة على تهنئة صديقتها شيرين وكتبت :"شيري الغاليه كلّ سنه وأنتي بخير وصحّه ونجاح ياصاحبة القلّب الطيًب .. ياكلّ المشاعر والصدق أنتي ، الله يسعدّ قلبك ياحبيبة الملايين".

 

 

أما الفنانة منة شلبي التي تجمعها علاقة صداقة قوية بشيرين، كتبت :"البنت الحلوه دي النجمه الكبيره اوي دي اختي و صاحبه عمري وروح قلبي عيد ميلادها انهارده كل سنه و انتي أحلي أم لهنا و مريم ".

 

وتابعت منة عبر حسابها على تتويتر :"و كل سنه و انتي اختي و سندي و صندوقي الأسود و كل سنه و انتي باره باهلك و حبيبه قلب صحابك و روح قلبي و عقبال مليون سنه و انتي حبيبه قلبي".

 

 

أما زوج شيرين المطرب حسام حبيب نشر رسالة رومانسية لها، جاء فيها :"دمتي لي شيئا جميلا لا ينتهي كل سنه انت أحلى و أطيب و اجمل و احن و اجدع شيرين في الدنيا .. ربنا ما يحرمنيش منك و يبعد عنك و عننا كل حاجه وحشه ".

 

 

وحرصت المطربة الإمراتية أحلام على تهنئة شيرين وكتبت :"كل سنه وانتي بينا وصوتك يملا الدنيا كلها حب وفرح وسعاده".

 

 

وكانت شيرين مازحت جمهورها قبل أسابيع من عيد ميلادها وحذرتهم قائلة :"عيد ميلادي كمان شهر، وبقولكم من دلوقتي إن ده هيكون عيد ميلادي الأربعين. يعني وإنتوا بتعيدوا عليا متجيبوش سيرة رقم ٤٠ ده خالص عشان مخسرش حد.. أنا بطلت أكبر بعد ال٣٩، اللي هي أصلاً كتير، بس يلا".

 

وكانت شيرين عبد الوهاب احتفلت منذ أسابيع  بأغنيتها الشهيرة "كدابين" لتحقيقها رقم قياسي من المشاهدات على يوتيوب، وكتبت شيرين عبر حسابها على تويتر:" أغنية كدابين حققت ١٠٠ مليون مشاهدة على يوتيوب بفضلكم، بشكركم من كل قلبي على دعمكم المستمر لي".