فيديو| أزمة بين «بيكا وشاكوش» بسبب الأكثر بحثًا على جوجل.. ما القصة؟
نشبت أزمة جديدة بين مطربي المهرجانات حمو بيكا وحسن شاكوش، على خلفية عدم ذكر الأخير اسم "بيكا" أثناء تحدثه عن المهرجانات الأكثر بحثًا لعام 2020.
بدأت القصة عندما نشر مطرب المهرجانات حمو بيكا، فيديو بث مباشر عبر حسابه بموقع الصور الشهير "انستجرام"، مُهاجمًا حسن شاكوش بسبب عدم ذكر اسمه، أثناء تحدثه عن المهرجانات الأكثر بحثًا لعام 2020.
وأوضح "بيكا"، أن شاكوش نسب النجاح له فقط، دون ذكر أسماء المشاركين في العمل معه مثل حمو بيكا وعمر كمال، قائلاً: "بدون ذكر أسماء غير الناس الجدعة، في سنة 2020 تم البحث على جوجل لأكثر أغانٍ متداولة، منها عود البطل عمر كمال، وبنت الجيران عمر كمال، وشمس المجرة عمر كمال وحمو بيكا، وأنا بيكا لوف ماي فانز حمو بيكا".
وواصل: "لما تيجي تطلع تتكلم على الناس واحنا واكلين عيش وملح مع بعض، ومن قبل أي حاجة إحنا اخوات، بس لما تيجي تقول النجاح لازم تحدد النجاح مين اللي عمله معاك، انت ظاهر للشعب المصري إنك أناني وبتحب النجومية لنفسك وبس، خليك محترم وكويس".
وأكمل حمو بيكا: "أخونا عمر كمال لما سمع عن النجاح كتب إحنا نجحنا، محددش مين، فانت أساسا حياتك كلها غلط، عاوز تحقق نجاحاتك لوحدك، وريني نجاح لوحدك هتعرف تطلع بيه إزاي، لما بشتغل بيبقى نجاحي ليا ومع فرقتي مش لوحدي".
وفي ختام حديثه، قال حمو بيكا، موجهًا حديثه لجمهوره: "هي دي المعلومة اللي كنت عاوز اقولها للناس، بعد كده أي حد هيقول كلمة مش على مزاجي أنا مش هسكت"، لمشاهدة الفيديو اضغط هنــا.
.JPG)
يذكر أن 5 أغاني مصرية تصدرت موقع "جوجل" كأكثر أغاني بحث عنها المصريون في 2020، والأغاني الخمس تنتمي لأغاني المهرجانات، وجاء في المرتبة الأولي مهرجان عود البطل، وفي المرتبة الثانية مهرجان بنت الجيران، ثم مهرجان هلا والله، وعود البنات، وشمس المجرة.
