ذكر البرلماني السابق مصطفى النجار، أن تظاهرات 11 / 11 بمثابة "مسرحية سخيفة" صنعها الإعلام – حسب وصفه.
وقال في تدوينة عبر حسابه على موقع التواصل الاجتماعي "فيس بوك": "طيب فلوس الاستعدادات الأمنية الجبارة لحماية مصر من الفنكوش المسمى بـ ١١ / ١١ هيحاسب عليها طبالين الإعلام اللي نفخوا في دعوة لقيطة ملهاش صاحب حقيقى موجود على الأرض وتفاعلوا مع شوية عيال قاعدة برة مصر وبتلعب على الفيس بوك، وبتتخيل حدوث ثورات وأفلام في خيالهم بس؟".
وتابع: "ودلوقتى ينزل الطبالين بهاشتاج محدش نزل، والشعب بيدعم النظام، ومصر على قلب راجل واحد، والمسرحيات الهابطة دي، عارف العيل الرخم اللي بيكتب بوست ويروح عامل لايك لنفسه، هما دول بالضبط صناع المسرحية السخيفة اللي بتخلص فيقعدوا يهنوا بعض ويشيدوا بأداءهم المتميز".
يذكر أن هناك بعض الدعوات للتظاهر اليوم الجمعة الموافق 11 نوفمبر، تحت شعار "ثورة الغلابة".