هاجم الشاعر الغنائي المصري، أمير طعيمة، دولة قطر، على خلفية إذاعة قناة الجزيرة لفيلم "العساكر"، أمس، والذي دار حول التجنيد الإجباري في مصر.
وكتب "طعيمة" عبر حسابه الشخصي على "فيسبوك": "ﻷنا معرفتش موضوع فيلم قطر غير من إعلامنا، و إنهاردة على الفيس بوك كل البوستات عن انتماء كل واحد لجيش بلده".
وتابع: "أنا مش هقعد أذكر هنا تاريخ الجيش المصري، عشان مينفعش مصر كدولة تدخل في سجال مع حي قطر اللي أصغر من وسط البلد مساحةً وسكانا، واللي كوبري ٦ أكتوبر ممكن يكون أطول من قطر كلها، وأعتقد إن كتيبتين من جيش مصر ممكن يلموا جيش قطر في ربع ساعة".
وأضاف "طعيمة": "متدخلوناش في سجال مع كيان ميكروسكوبي، مصر مينفعش تبقى في خصومة مع قطر، الخصوم بيبقوا بحجم متقارب، ومش معقول مصر اللي هي مصر تدخل في خصومة مع بلد اكبر إنجاز في تاريخها قنوات رياضية".
واختتم حديثه: "أي مواطن قطري شريف بيحب مصر، يستثنى من هذا البوست، والمفروض يبقى مستاء من تصرفات قياداته و يقول، إحنا بننتقد بلدنا في الغلط، بس جيش مصر إيه اللي بتتكلموا عليه يا جماعة إنتوا مصدقين نفسكم".