هل تبحثين سيدتي على عمل يناسبك من المنزل ولا يأخذ من وقتك الكثير؟ هل تفكرين في زيادة ميزانية البيت من خلال ممارسة عمل جديد؟ هل تعانين من ازدحام جدولك اليومي بما يجعلك بحاجة إلى تنظيم الوقت ووضع أهداف للجانب المادي في حياتك وكسب المال؟
إذا لا داعي للقلق فيمكنك تنظيم وقتك والتخطيط لممارسة هواية أو نشاط يدر عليك دخلا ولو قليلا من المال، ولكنه يمنحك الشعور بأنك قادرة على فعل المستحيل بجانب القيام بواجباتك المنزلية في حياتك الأسرية.
وقالت الدكتورة دعاء راجح الاستشارية الاجتماعية والأسرية: "ستات البيوت ربنا يكرمها بتؤدي عمل هايل، بس مهم أوى تطور قدرتها على الكسب، ومش لازم تكسب فلوس كتير على طول، ولكن تتدرج في الأمر دا".
وأضافت عبر تدوينة لها على فيسبوك: "ممكن تبص في الأول إيه المهارة الي هي متميزة فيها وتحاول تطور نفسها فيها، فيه واحدة بتحب تصميم الملابس، فيه واحدة بتحب الميك اب، فيه واحدة بتحب أشغال الإبرة، واحدة بتحب الطبيخ، واحدة عندها اللغة كويسة، واحدة بتحب تدعبس في برامج الكومبيوتر وتفهمها، واحدة بتحب الرياضة، واحدة بتحب الأطفال وبتعرف تتعامل معاهم
وتابعت راجح: "المهم تدور على الحاجة الي بتحبها وتبدأ تاخد فيها دورات للتطوير حية أو أون لاين علشان الموهبة تكلل بالعلم، بعد كده تبدأ تنشر الموضوع في وسط معارفها أو أصحابها، وتعمل حاجات انشاله مجانية في الأول علشان تظهر موهبتها، وكمان تزود خبرتها".
وأوضحت الاستشارية الأسرية: "مش لازم تخرج للشغل فيه أشكال وألوان من الأعمال الي ممكن تتعمل أون لاين"، لافتة إلى أن ست البيت يمكنها أن "تظهر موهبتها على صفحة تصممها وتعرض فيه شغلها، وتشتغل أون لاين من البيت.. ستات كتير جدا بتشتغل كده دلوقت".
ونصحت راجح ربة المنزل، قائلة: "ومايهمكيش أنك تكسبي كتير"، مشيرة إلى أن "المكسب الكتير هييجي مع الوقت، المهم أن يبقى عندك القدرة على الكسب، ودي المرحلة الأولى".
واستطردت الاستشارية الاجتماعية: "بعد كده كل ما زادت خبراتك، وكل ما ثابرتي واستمريتي، كل ما هتنجحي أكتر وأكتر".