تداول عدد من مستخدمى موقع التواصل الاجتماعي "فيس بوك" فيديو لشاب يدعى "محمد جيمي"، يحكي فيه تجربته مع حفل الهضبة عمرو دياب، الذي أقيم الأحد الماضي بأحد الفنادق الكبرى.
وقال الشاب في الفيديو الذي نشره عبر حسابه الرسمي على "فيس بوك": "من فترة عملت فيديو بتكلم فيه عن حفلة عمرو دياب أنا وصديقي وليد السباعي، وإنها غالية ومش هنعرف نروحها، حد من المنظمين للحفلة شاف الفيديو، وكلمنا وقالنا إننا ممكن نيجي نحضر الحفلة".
وأضاف: "وبعد ما نزلت اشتريت بدلة ولبست وروحت قالولي معلش احنا آسفين على الباب، معملناش حسابكوا، وشايف ناس داخلة قدامي، كان ناقص يطبطوا ويشغلوني جرسون واني لا ارتقي اني اخش الحفلة".
وأردف: "اكتشفت ان ممكن حد يقدر يدخل الحفلة ومعاه شخص تاني من غير غير دعوات، يا نهار اسود عمرو دياب شغال مع ناس زاي دول ازاي، شيرين عبد الوهاب معملتش معايا كدا وقلبت دعواتي على طول". وتابع: "قلت لا هاشتري التذكرة وأدخل ما هو ماينفعش أفضل واقف ببدلتي بره كده.. ولسه هشتري تذكرة لقيته بيقولي سوري انتا معاكش بنت، انا بعد كدا هسمع تامر حسني ومحمد منير، وممكن ابطل اسمع عربي واسمع حاجة تانية".
وأكمل الشاب الفيديو: "النهارده خدت أكبر مقلب في حياتي، ده أنا ف فرحي ماكنتش هاشتري بدلة، من كتر قهرتي مشغل سي دي عمرو دياب في العربية كأني في الحفلة، أقول إيه للهضبة، أقوله يجيب حق البدلة! انا عايز حق البدلة والبنزين والنت اللي شغال دا تعويض".