أدان الكاتب والإعلامي، تامر أبو عرب، الهجوم الذي استهدف كمين "المطافي" في العريش بمحافظة شمال سيناء.
وكتب "أبو عرب" عبر حسابه الشخصي على "فيس بوك": "أحداث الكام سنة اللي فاتت كلها بتأكد إن الأكمنة الثابتة في سيناء بقت أكمنة لجنودنا مش أكمنة للإرهابيين والمجرمين".
وتسائل "أبو عرب": "مطلوب يحصل إيه ونخسر كام روح كمان علشان نتأكد إن فيه مشكلة في موضوع الكمائن الثابتة دي لازم يتحل، لازم تتدرس العمليات اللي فاتت كلها ونشوف إذا كانت الأكمنة دي بتحقق الهدف منها ولا ضررها أكبر، وهو الأفضل تفضل مكملة وللا نشوف استراتيجية تانية زي دوريات متحركة ملهاش خط سير ثابت، أو يكون فيه مشروع لنشر كاميرات حديثة تراقب كل شوارع العريش والشيخ زويد والمناطق اللي فيها مشاكل من غير ما حد يعرف مكانها، أو يشوفوا الدول الأوربية مأمنة ازاي شوارعها من غير ما يكون فيه كمين ثابت واحدأو أي آلية تانية متخليش جنودنا هدف سهل ومتاح ومكشوف بالشكل ده".
مضيفًا: "أنا مش خبير عسكري ولا عارف الحاجات دي ممكن تحصل ازاي، بس العمليات السابقة كلها واللي بتتكرر حرفيا في كل مرة، بتقول إن فيه حاجة غلط محتاجة تتدرس وتتعالج، علشان مش هينفع نكتفي كل مرة بنعي الشهداء وانتظار العملية اللي بعدها".
وسقط 9 مجندين إثر تفجير استهدف كمين "المطافي" في العريش بشمال سيناء، اليوم، فيما أُصيب 10 آخرين.
وقال مصدر أمني في شمال سيناء، إن سيارة ملغومة يقودها انتحاري اقتحمت كمين "المطافي" في منطقة حي المساعيد بمدينة العريش، ما أسفر عن تدمير الكمين تبعه هجوم مسلح على قوات الكمين، ما أسفر عن سقوط 9 شهداء وإصابة 10 آخرين، و4 مدنيين