نصح الدكتور رامي فؤاد أخصائي طب الأطفال الآباء بضرورة اصطحاب أطفالهم والخروج خارج المنزل، على الأقل مرة واحدة اسبوعيا.
وقال فؤاد: "الطفل لازم يخرج ع الأقل مرة في الأسبوع"، لافتا إلى أن "الكلب بيكتئب لو اللي مربيه ماخرجهوش كل يوم".
وأضاف في تدوينة له عبر فيسبوك: "الطفل اللي مواظب على الخروج بيتفرز عنده (إندروفين)وقت الخروج، وده بيقوي مناعته ويتعب أقل من الطفل المحبوس".
وتابع أخصائي الأطفال: "للي حيزعل من التشبيه أدخل شوف جروبات تربية الكلاب، وشوف بيتعاملوا مع الكلاب إزاي، حتلاقي نفسك مقصر كتير مع الكائن الحي اللي أنت مربيه، واللي هوا ابنك أو بنتك".
واستطرد فؤاد: "أنا أب مشغول عن ابني زيكم ومقصر معاه، بأفكر نفسي معاكم مش بدعي المثالية، وحأفضي نفسي وأخرج ابني".
ووجه طبيب الأطفال حديثه للأمهات قائلا: "كل يوم لما ابنك ينام اسألي نفسك.. طفلك انبسط انهارده؟ ضحك من قلبه ولا لأ؟ كنتى السبب في أنه اتعلم حاجة جديدة بيحبها ولا لأ".