هاجمت الكاتبة الصحفية، غادة شريف، حكومة المهندس شريف إسماعيل، بعد زيادة سعر تذكرة المترو إلى 2 جنيه.
وقالت في تدوينة عبر حسابها على موقع التواصل الاجتماعي "فيس بوك": "الحكومة قررت رفع سعر تذكرة المترو، وفي ذات نفس الوقت قررت وقف الضريبة على الأرباح الرأسمالية الناتجة عن تعاملات البورصة، يعنى الحكومة بوضوح كده وعلى عينك يا تاجر عايزة تمحي الغلبان من الوجود، لكنها لم تخجل إنها تشيل ورق التواليت للمقتدر وتنظف وراه".
وتابعت: "وما تنساش يا حمادة إن قرار تعويم الجنيه لما اتعمل من غير الإجراءات الموازية الحمائية نتج عنه إن الموظف الغلبان اللى بيقبض بالجنيه ازداد فقرًا، بينما رجل الأعمال اللى بيصدّر بالدولار والموظف في شركة أجنبية اللي برضه بيقبض بالدولار ازدادوا غنى، و همّ دول بس اللى بيضاربوا في البورصة، وكمان الحكومة بسلامتها رايحة تعفيهم من ضرائب البورصة".
وأقر مجلس الوزراء الأسعار الجديدة لتذكرة المترو، بزيادة جنيه واحد، لتصبح التذكرة الواحدة بـ 2 جنيه، وجنيه ونصف للأنصاف، وجنيه واحد لذوي الاحتياجات الخاصة، وذلك بداية من صباح أمس الجمعة 24 مارس.