تساءلت الكاتبة غادة شريف، عن أسباب عدم تطبيق قانون الطوارئ على التجار، وفرض التسعيرة الجبرية.
وقالت في تدوينة عبر حسابها على موقع التواصل الاجتماعي "فيس بوك": "أليس الغلاء إرهاب؟، طالما فرضنا الطوارئ ليه ما يتطبقش على التجار المحتكرين ونفرض تسعيرة جبرية؟".
وتابعت: "أقولك ليه؟، بص شوف كل وزير بعد ما بيمشي بيروح يشتغل فين، غالبًا بيشتغل مستشار عند أحدهم، علشان كدة انسى خالص يا حمادة إن حد هينصفك ويكسر رقبة التجار علشانك، كلهم دلوقت بيقدموا السبت علشان بعد ما يسيبوا المناصب مش بس يلاقوا الأحد دول هيلاقوا بقية الـ 365 يوم مستنينهم".
وأعلن مجلس الوزراء بدء تطبيق حالة الطوارئ، الأسبوع الماضي تنفيذا لقرار الرئيس عبد الفتاح السيسي، وقرر السيسي، حالة الطوارئ لمدة 3 أشهر بعد استيفاء الإجراءات الدستورية والقانونية.
وقتل ما لا يقل عن 44 شخصا وإصابة أكثر من 120 آخرين، جراء التفجيرين الإرهابيين اللذين ضربا كنيسة مارجرجس في طنطا والكنيسة المرقسية في الإسكندرية.