أثنت الكاتبة الصحفية نشوى الحوفي، على ما قام به الرئيس عبد الفتاح السيسي، منذ توليه منصبه، مضوحة أن ما تم إنجازه لم يحدث من قبل.
وقالت في تدوينة عبر حسابها على موقع التواصل الاجتماعي "فيس بوك": "فيه ناس بتقول الريس باع لنا الوهم، وده ردي عليهم، أي أوهام اتباعت لحضرتك؟ نموك كان لحد 2013 يا دوب 2.4% النهاردة 4.2 % وفقًا لتقديرات العالم، احتياطيكي النهاردة 28 مليار هو مستلمه 12 مليار ومنهم 4 مليار وديعة قطر اللي أصر يرجعها- حفرتي قناة سويس تانية بطول 73 كم في سنة وبتحولي المنطقة لصناعة واستزراع سمكي ومنطقة لوجيستية - بينما قناة بنما اللي طولها 89 كم اتوسعت بـ 5 مليار دولار في 7 سنين".
وأضافت: "شفتي الطريق الإقليمي الدائري؟ زرتي العاصمة الإدارية الجديدة؟ خطفت رجلك للفرافرة تشوفي الأرض المزروعة قمح؟ رحت الأنفاق الأربعة اللي هاني عازر قال أكبر إنفاق حتحقق تنمية مستدامة لمصر؟ شفتي سحارة السرابيوم؟ اتفرجت على مصنع البتروكيماويات بتكلفة مليار دولار؟ شفتي تسليح الجيش عشان تقفلي عليكي باباك بامان بينما اللي حواليكي بيقع؟".
وواصلت: "شفتي الناس اللي وصلت لـ 6 مليون بيستفيدوا من معاش تكافل وكرامة؟ شفتي الـ 3 مليون اللي اشتغلوا في مشروعات البنية التحتية؟ شفتي جبل الجلالة والشغل فيها؟ جربت تقود السياسة الخارجية لبلادك وسط حقل ألغام انت عارف إن أي غلطة ممكن تفجر لغم؟".
وأردفت: "جربتي تقفي على الحدود تحميها وتصلحي كل خيبة بيعملها خونة وفشلة وفاسدين في قلب البلد وانتي في نفس الوقت بتكافحيهم؟ والنبي لما حد يكلمني عن أوهام يحطها بالمعلومة والأرقام وبلاش الكلام المرسل، أكيد فيه أخطاء احنا بشر لكن اللي تم إنجازه ما حصلش قبل كده، تحياتي".