وجهت الناشطة السياسية، إسراء عبدالفتاح، رسالة للرئيس عبدالفتاح السيسي، بشأن الوضع الراهن الذي تمر به البلاد.
وقالت عبر صفحتها الشخصية بموقع التدوين المصغر "تويتر": "حلو أوي شغل المؤتمرات والمحاكاه وإنك تسمع الناس ويحوطوك ويصقفولك ،وإنك تعطي انطباع لشعبك وللعالم بره إننا في مجتمع ديمقراطي".
وأوضحت: "بس ده ممكن يمشي مع أي حد بيحب يتفرج بس يسمع وبس يصقف وبس، لكن لو حد بـ #فكر_تاني و بيقارن الشو الإعلامي الجميل ده بالواقع المحصلة هتبقي " صفر ".
وتساءلت: "فين اللي بيعارضوك ؟ يقدروا يخشوا المؤتمر ؟ هتديهم الميكرفون ؟ هتقعدهم على المسرح ؟؟؟ عندك رد على الانتقادات اللي هيقولهالك ؟ أنت قد مواجهتهم ؟".
وأردفت: "تقدر تعمل جلسه عن ليه هاشتاج #مش _عايزينك بقي الأول على مصر والرابع على العالم بعد ساعة من كلامك على الانتخابات يمكن تلاقي كلمهم صح؟! يمكن تلاقي عندهم حل للكوارث اللي بتعملها في البلد وخاصة في ملف الحريات والديمقراطية!".
وقالت: "يمكن تحاول تلحق نفسك قبل ما الموضوع يخرج بره الهاشتاجات! زي ما بهجمك وبجد #مش_عايزاك تكمل بحاول أقولك كلام عاقل وموضوعي يمكن تـ #فكر_تاني، مضيفة: "بس تأكد عمر الكلام والتصوير والتصقيف ما بيمنع الناس تشوف الواقع".
وطرحت الناشطة السياسية عدة أسئلة مرة أخرى: "تقدر تعمل مؤتمر زي ده في العشوائيات في أماكن مفهاش صرف صحي ولا كهرباء ولا مياه.. تقدر تعمله في سيناء وتقول إن ١٪ بس اللي من سيناء في خطر زي ما قلت في مؤتمرك..تقدر تعمله في الجامعات وتسيب الطلبة تقولك كل اللي في نفسها ..قدر تعمله في مستشفي تبع التأمين الصحي في أي منطقة عشوائية ؟".
وانقسم أمس نشطاء موقع التدوين المصغر "تويتر" في مصر بين هاشتاجين، "مش عايزين السيسي"، "عايزينه للآخر".. جاء الأول تعبيرًا عن رفض البعض لبقاء الرئيس عبدالفتاح السيسي في الحكم، بينما طالب آخرون عبر الهاشتاج الثاني ببقائه.
وشارك الرئيس عبد الفتاح السيسي، خلال الأيام الثلاثة الماضية، في المؤتمر الدوري الثالث للشباب، المنعقد بمحافظة الإسماعيلية.