علق الإعلامي، تامر أبو عرب، على إخلاء سبيل المحامي خالد علي بكفالة 1000جنيه بتهمة ارتكاب فعل فاضح.
وكتب عبر صفحته الشخصية بموقع التواصل الاجتماعي«فيس بوك»: «أخلوا سبيل خالد علي بكفالة ١٠٠٠ جنيه، وبكدة اتعمل المطلوب بالضبط، اتحقق هدف إن خالد يتكدر ويبات في القسم، اتحقق هدف إنه ميتحبسش لأن ده تمنه (خصوصا برة) مش هيكون قليل، ولأنها أصلًا جنحة لا يجوز فيها الحبس على ذمة القضية، واتحقق هدف إن القضية تفضل مفتوحة علشان لو احتاجوا لها».
وأضاف: «بالمناسبة: القضية المتهم فيها خالد علي "فعل فاضح في الطريق العام" وهي من التهم المخلة بالشرف، يعني فتحها في أي وقت والحكم على خالد ولو بأسبوع حبس يفقده الحق في مباشرة حقوقه السياسية وبالتالي يبقى مش من حقه قانونًا الترشح للرئاسة».
وأردف: «دي رسالة لكل الناس اللي شايفين إن خالد علي مين ده اللي ينافس؟ وإن النظام أصلا هو اللي بيلمعه علشان عاوز كومبارس، صحيح جدًا إن خالد أو غيره وزنهم في الشارع ضعيف جدًا بحكم خنق المجال العام وعدم قدرة أي حد إنه يتحرك ويعرض نفسه».
وتابع: « بس صحيح جدًا كمان إن النظام بوضعه الحالي هش وضعيف وبيخاف من خياله، علشان كدة أي حد أنت بتبص له على إنه كومبارس ومالوش فرص، هو بيبص له على إنه منافس وخطر حقيقي بيهدده وبيتعامل معاه على هذا الأساس بكل أدوات الردع السياسية والقضائية والإعلامية اللي يملكها».
وأمر المستشار محمد عبد السلام، المحامى العام الأول لنيابات شمال الجيزة، بإخلاء سبيل المحامى خالد على، اليوم، الأربعاء، فى اتهامه بفعل فاضح خادش للحياء العام إبان تواجده أمام مجلس الدولة، بكفالة 1000 جنيه، على ذمة التحقيقات.
وحضر خالد على صباح اليوم إلى نيابة الدقى، قادما من محبسه فى قسم شرطة الدقى، وتم إيداعه فى الحبسخانة الخاصة بالمحكمة، إلى أن وردت تحريات الأجهزة الأمنية حول الواقعة، وتمت مواجهته بما أسفرت عنه.