شن مرتضى منصور، رئيس نادي الزمالك، هجومًا على الأرجنتيني هيكتور كوبر، المدير الفني للمنتخب الوطني، بسبب اختياراته الفنية لمعسكر المنتخب، الخاص بمباراة تونس المقبلة.
وقال منصور: "كوبر لما كان بيختار اللاعيبة كان عنده مغص اللي جاله من المطعم اللي في الحسين، عيب أنت المدير الفني لمنتخب مصر وخليك محترم، أما تختار 10 من الأهلي و5 من الزمالك".
وتابع: "أنا ممكن أقولك اللاعيبة مش هايرحولك، أنت راجل متعصب وعلشان فودافون اللي عملتلك إعلان وهي بترعى الأهلي روحت خدت 10 من الأهلي وخلي بالك احنا صاحينلك كويس أوي".
وواصل: "أنت المفروض بعد التسمم اللي جالك تروح بلدك، لأنك بتسوء سمعة مصر وأنت أسوء مدرب لبلدنا، احنا طول عمرنا بناكل في الحسين أنضف مطاعم وأحسن مطاعم، جالك مغص وتقول يا مامي تعبتي ياختي ياحلوة وشايلينك على الإسعاف".