رأت الناشطة السياسية، إسراء عبدالفتاح، أنه لا يصلح إجراء انتخابات رئاسية في حين يتواجد عدد من شباب الأحزاب في السجون، وفي ظل حجب عدد من المواقع المستقلة.
وكتبت إسراء عبر حسابها الشخصي على موقع «فيس بوك»: «هو احنا لازم نستخدم مصطلح تاني غير "المقاطعة" لأن ده مش مقاطعة لأن ده مش هتبقي "انتخابات" أصلا».
وأوضحت إسراء: «انتخابات ايه يا عم انت وهو في دولة فيها
١- شباب وقيادات الأحزاب في السجن علشان رافضين التفريط في ارض البلد ده
٢- المجتمع المدني المستقل اللي مفروض يراقب متجمد نشاطه وبيتحقق مع القائمين عليه وممنوعين من السفر. ٣- المواقع المستقلة اللي عندها آراء معارضه محجوبة 4- الإعلام كله بتاع الأجهزة الأمنية متوزع عليهم ممكن نقول بالتساوي .
٥- المرشح الوحيد اللي جتله الجرأه واعلن نيته عن الترشح بيتلفق له قضية علشان مينزلش . ٦- انتهاك دائم ومستمر للدستور . ٧- ضرب عرض الحائط باحكام القضاء زيها زي العدم».
وتابعت إسراء: «ده مش مقاطعة ده حالة الإنعدام أو اللاحياة سياسية أو حياة الفرد الواحد ينزل بقى هو الانتخابات ويروح يصوت لنفسه ويراقب على نفسه وهو بيصوت ويصقف لنفسه لما ينجح ويسلم على نفسه في المراية ويقوله هاردلك يا سيسي السيسي اللي هو أنا نجح وكدهو».