حرص عدد من نجوم الفن، على توجيه رسائل دعم وتشجيع لطلاب الثانوية العامة، بسبب إجراء الامتحانات وسط أجواء متوترة في ظل الإجراءات الاحترازية بسبب فيروس كورونا المستجد.
وقال الفنان أحمد زاهر، في مقطع فيديو عبر حسابه بـ"انستجرام": "أبنائي فلذات أكبادي طلبة وطالبات الثانوية العامة، مبدئيًا ربنا معاكم وهيعينكم بإذن الله، مساطركم وأقلامكم ومذاكرتكم وكمامتكم وكحولكم، متفكروش في كورونا خالص، عقلكم في راسكم".
وأضاف: "ركزوا وإن شاء الله ربنا الحارس، من توكل على الله فهو حسبه، إن شاء الله هتنجحوا، إن شاء الله محدش هيتصاب، خلوا بالكم محدش يقلع الكمامات، مصر كلها بتدعيلكم".
View this post on Instagramالي كل طالب وطالبه في الثانويه العامه .. متنسوش ياولاد ...كمامتكم وكحلوكم واقلامكم وحطوا عقلكم جوا راسكم وسيبوها علي الله #ثانوية_الكرونة ❤️????????????????
A post shared by Ahmedzaherofficial1 (@ahmedzaherofficial1) on Jun 20, 2020 at 12:05pm PDT
أما الفنان أحمد حلمي، فحرص على استخدام الطريقة الكوميدية، حيث قال في مقطع فيديو له: "بما إننا هنتكلم عن الثانوية العامة، فمفيش حد أحسن مني يتكلم عنها لإني كنت خبرة، وسقطت فيها 3 سنين، أنا كنت بسقط لأني كنت ببقى خايف من الامتحان، السنة الوحيدة اللي مكنتش خايف من الامتحان سقطت بردو، السنة الوحيدة اللي مسقطتش فيها هي اللي مكنتش خايف فيها من الامتحان بجد".
View this post on Instagramحبايبي طلاب الثانويه العامة بنين وبنات .. ربنا معاكوا ويوفقكوا وينجحكوا .. وخدوا بالكوا طبعا ومحدش يقلع الكمامة وبلاش تجمعات .. مش عايزين ننجح في الثانويه العامة ونسقط في الكورونا ???? (سهيله بنت اختي ... شدي حيلك وربنا يوفقك يارب )
A post shared by Ahmed Helmy (@ahmedhelmy) on Jun 20, 2020 at 6:43am PDT
وبدوره شارك الفنان صلاح عبد الله، متابعيه، عبر حسابه الرسمي بموقع التدوين المصغر "تويتر"، مقطع فيديو من فيلم الثلاثة يشتغلونها، وقال: "ركزوا في القُبة وربنا معاكم ياولادي".
ركزوا في القُبة????وربنا معاكم ياولادي???? https://t.co/z1vI2Qlmhp
— salah abdallah صلاح عبدالله (@SalahAbdallah) June 20, 2020
أما الفنان سامح حسين، فنشر مشهدًا من مسلسل"اللص والكتاب" وعلق: "كل أمنياتى لإخواتي طلبة الثانوية بالنجاح والتوفيق يارب، وماتعملوش زى شيكو مدريد".
ووجه الفنان هاني رمزي، رسالة دعم لطلاب الثانوية العامة، قائلاً: "ربنا مع كل طلبة الثانوية العامة وإن شاء الله الامتحانات تعدي على خير والكل ينجح".
ومن ناحية أخرى، استعاد الفنان أحمد صلاح السعدني، موقفًا حدث له في أول أيام امتحانات الثانوية العامة، حيث قال عبر حسابه بـ"فيسبوك": "أول يوم امتحان ثانوية عامة كان لغة عربية الساعه ٩ صباحًا، مدرسة جمال عبد الناصر، صحيت ٩ إلا خمسة في بيتنا أحمد عرابي المهندسين، على أمي بتنفضني على السرير زي ما بتنفض السجادة في الشباك".
وتابع: "نزلت بالبيجاما تقريبًا ونزلت معايا ومحضرالي سندوتشات وصلنا المدرسه ٩ وربع لقينا البوابة مقفولة أمي شبكتلي ونطيت من فوق السور على صوت بتاع الأمن بينده عندك يا ابني".
وأضاف السعدني: "عليا سبرنت مو صلاح أو على أيامها ياسر ريان (الجناح الطائر) جري في المدرسة كلها بتوه بتاع الأمن زي مطاردات سلام يا صاحبي وصلت اللجنة وبوس أيادي عشان يدخلوني وامتحن وبعد الامتحان وقفنا عند كشك قدام المدرسة بنسمع شريط عمرو دياب كان لسة نازل أغنية مش هضعف وروحت أمي كانت عاملالي بطاطس محمرة كلتها ونمت".
واختتم: "أمي موققتش عند المدرسة تستناني والحمدلله نجحت بتفوق يعني الوقفة بره مش بتفرق يا والدي ويا والدتي روحوا البيت وادعوا من قلبكوا وإن شاء الله أبنائكم هيتفوقوا زيي ويجيبوا ٢٥/٥٠".