تصدر مسلسل لؤلؤ مع عرض أولى حلقاته، مؤشرات البحث في جوجل، وهو البطولة المطلقة الأولى للفنانة مي عمر.
وكشف مؤلف العمل والفنان محمد مهران تفاصيل تجربته الأولى، وكتب عبر صفحته على انستجرام :"مبروك يا مي ان شاء الله المسلسل يعجب الناس ويحبوا لؤلؤ وانت تعبتي كتير في المسلسل واكيد ربنا هيجازيكي علي قد تعبك.. اما بالنسبه لشعوري بفرحتي وانا بقرأ إسمي مكتوب ومعاه ( يناريو و حوار) احساس مش عارف اوصفه".
وتابع :"بس اقدر اوصف اول حاجة جت في بالي و انا بتفرج علي اول مشهد من مسلسل لؤلؤ، وافتكرت مكالمه جاتلي يوم ٢٦ / ٧ /٢٠٢٠ من الأستاذ محمد سامي قالي فيها إيه رأيك تكتب سيناريو وحوار مسلسل لؤلؤ، اكتر حاجة استغربتها اني عمري ما قولتله اني بحب الكتابه أو حتي هو قرأ ليا أي حاجة .. وبصراحه في الأول خفت من المسؤوليه الكبيره دي بس قررت أخوض التجربه".
وأضاف :" إكتشفت إني أهم حاجة طلعت بيها من التجربه دي اني إتعلمت كتير من الشخص اللي ليه فضل عليا بعد ربنا سبحانه و تعالي اني اعرف اكتب مشهد من بدايته لنهايته..من اول ما قال ليا المشهد يتكتب بالورقه والقلم لحد اخر كلمه تتكتب في المسلسل".
وأكمل :"الشخص ده هو الأستاذ محمد سامي اللي لازم يكون أول شخص أشكره، مش لكونه اعطاني فرصه اني اكتب السيناريو و الحوار للمسلسل وبس ، ده لأنه علمني يعني ايه اكتب سيناريو و حوار و ده شيء هفضل فاكره في أي مشهد لأي عمل هكتبه بعد كده شكراً و شكراً و شكراً لربنا انه قدر اني اتعلم كتابه الدراما علي ايده".
وشهدت أحداث الحلقة الأولي من مسلسل لؤلؤ الذي تقوم ببطولته الفنانة "مي عمر"، سردا بطريقة الفلاش باك لحياة المطربة لؤلؤ التي نشأت في أحد الأحياء الشعبية إلي أن اصبحت مطربة مشهورة.
كما شهدت استعراضا لأسباب الصراع بين مى عمر ونجلاء بدر خلال أحداث العمل، بسبب الغيرة التي نشأت بينهما منذ الصغر.
ويعرض المسلسل عرض أول.. 7:45 مساء على قناة on، وإعادة.. 2 صباحًا، و1 مساء، وعبر قناة ON Drama الساعة 10مساء، وإعادة 5 صباحا، و3 مساء.
وتقدم مي عمر عدد كبير من الأغاني بصوتها، منهم تتر العمل الذي حقق مشاهدات عالية قبل عرض المسلسل.
وعن اقتباس قصة حياة الفنانة شيرين عبدالوهاب، علّق المخرج محمد سامي زوج مي عمر : "مش هرد على الكلام دا عشان الناس بتحب تتكلم وخلاص، كل دي تكهنات وافكار ومش شايف أنها صحيحة".