مدافع المقاصة عن أحمد سامي «المزيف»: واحد قذر

نفى أحمد سامي، مدافع مصر المقاصة، سبه نادي الزمالك، بألفاظ خارجة، عبر حسابه على موقع التواصل الاجتماعي "انستجرام"، بعد واقعة لمسه الكرة خلال لقاء الفريقين، يوم الجمعة الماضي.

وقال سامي، في تصريحات صحفية: "ماليش علاقة بالأكونت ده، وأكيد اللي كتب واحد قذر عامل أكونت باسمي على أساس أن انا، وعارف أن الناس كبيرة وفاهمين مليون في الميه مَش انا، بس برضو بعتذر لجمهور الزمالك على هذا الكلام وأي جمهور في مصر على دماغي وبحترم كل الناس علي الرغم أن جالي رسايل كتير شتيمه من جمهور الزمالك بس احتسبت كل ده عند ربنا انا اتكلمت لما عرفت ان في ناس فاكرين ان الاكونت بتاعي والإعلام كمان اتكلم في الموضوع ده لكن ربنا يهدي الناس اللي بتعمل كده".

كان مصر المقاصة فاز  على الزمالك بهدف نظيف ضمن مباراة الفريقين المؤجلة، من الأسبوع الخامس لبطولة الدوري الممتاز.