مرتضى منصور مهاجما حازم إمام وممدوح عباس: «خربتوا النادي»

هاجم مرتضى منصور رئيس نادي الزمالك، حازم إمام عضو مجلس إدارة اتحاد الكرة، وممدوح عباس رئيس النادي السابق، قائلًا: «يا حازم أنت وممدوح عباس خربتوا النادي، وبسدد فلوس اللاعيبة الأجانب والضرائب، كل الخراب اللي عملتوه نسبتوه للمجلس اللي قبلكم، وكل اللي قولته هتعملوه أنا اللي عملتوا».

وأضاف منصور خلال مؤتمر صحفي عقد اليوم السبت في مقر نادي الزمالك: «أنا اللي رجَّعت حازم من إيطاليا، وأخدت عقد بالملايين وبلاش المتاجرة باسم نادي الزمالك وجماهيره».

وتابع: «عايز ممدوح على حازم على جاسر على إسماعيل سليم، يخشوا الانتخابات اللي هتبقى شهر 7 أو 8 أو 9، مش هينفع أنزل لوحدي، تعالوا عشان تعرفوا حجمكم».

واستطرد: «في مباراة الإسماعيلي، مش هندخّل كاميرات التليفزيون المصري بعد فسخ العقد مع الشركة الراعية بقرار من الجمعية العمومية».