عمرو سمير عاطف: الرئيس والنظام هما سبب الأزمة الاقتصادية

قال الكاتب عمرو سمير عاطف، أن مصر تعيش أزمة اقتصادية كبيرة، تسبب فيها كلا من النظام والرئيس عبدالفتاح السيسي، وشبهها بمثال بسيط.

وكتب عمرو في تدوينة، عبر حسابه الشخصي على موقع التواصل الاجتماعي "فيسبوك": لما تروح لدكتور وانت عيان ربنا يعافي الجميع فيقولك أنا هاديلك علاج بس هو صعب اتحمله لفترة، هى قد كذا شهر شهرين تلاتة وإن شاء الله ممكن بعد كدة يبقى فيه عملية أو ما يبقاش فيه وهنعمل كذا وهنسوي كيت إلخ.. فإن شاء الله ها تخف وتبقي كويس، مفسرًا: "يعنى تفاصيل العلاج وخطواته انت ضرورى تبقي فاهمها عشان تتعاون مع الطبيب و تلتزم بمواعيد الدوا أو جلسات العلاج إلى أن يتم الشفاء بإذن الله".

وتابع صاحب الـ44 عامًا: "الأزمة الاقتصادية اللي اتسبب فيها الرئيس والنظام بلا ادنى شك -القناة والسلاح وانعدام الخطط وضرب السياح وتفجيرات التقصير الأمني فى مطار شرم وريجينى وإلخ -إحنا ممكن نتحملها ونتعاون عشان نخرج كلنا منها ان شاء الله على خير".

وأضاف متسائلًا: "بس هو إيه العلاج بالظبط من فضلك؟ يعنى نستحمل نقص وغلاء الدوا وارتفاع أسعار كل شئ وهبوط قيمة العملة لأن الخطة إننا إن شاء الله بعد كام شهر هنعمل إيه بالظبط؟".

واختتم حديثه: أنا السؤال ده دورت كتير وما لاقيتلوش اي اجابه مع إن الإجابة الواضحة ها تخلى الناس -بعد ما تقتنع بيها وبانها الحل الوحيد أو الأمثل -تلتزم فعلا وتتعاون بما يضمن النجاح والشفاء فايه الخطة؟ إيه المطلوب مننا وإزاى إن شاء الله ها نخرج كلنا مع بعض من الإزمة وبعد قد إيه تقريبا؟".

ويعاني المصريون في الأيام الأخيرة من ارتفاع أسعار كل السلع، وما زاد الطيب بلّه، قرار الحكومة برفع الدعم عن الوقود، مما أدى لزيادة أكبر في الأسعار.