نشوى الحوفي: تعويم الجنيه يحتاج لقرارات حاسمة واستعادة لهيبة القانون

أثنت الكاتبة الصحفية نشوى الحوفي، على وضع مصر الاقتصادي بعد أسبوع من قرار البنك المركزي بتحرير سعر الصرف.

وقالت في تدوينة عبر حسابها على موقع التواصل الاجتماعي "فيس بوك": "افهم بهدوء، مر أسبوع على تحرير سعر الصرف، أهم النتائج اللي اتحققت، انخفاض التضخم إلى 13.7 % وده معناه إن الجنيه بيكسب مش بيخسر حتى لو لسه المكسب قليل".

وتابعت: "سعر الدولار حر ومتصل بقرار كل بنك، بنك اسكندرية بيبيعه ب 17.5 جنيه، وبنك الأهلي 16.66 جنيه وبنك مصر 16.75، عرض وطلب وانت حر وبالتالي ما حدش يقدر يخزن لأنه ممكن بكره يقولك الدولار بـ 11 جنيه وحيحصل، ارتفاع أرباح البورصة في أسبوع إلى 90.7 مليار جنيه بما وصف في الأنباء العالمية أنه تاريخي".

وأضافت: "البنك المركزي عمل اتفاق مع بنوك أجنبية بتمويل 2 مليار دولار لتعزيز الاحتياطيات الأجنبية لمدة سنة، من المتوقع تسلم مصر للجزء الأول من قرض الصندوق الدولي خلال الشهر ده يعني مزيد من ضخ العملة الصعبة لإكمال مسيرة إصلاح اقتصادي بقيمة 2.75 مليار دولار".

وواصلت: "كل ده معناه إيه؟، تشجيع الاستثمارات الأجنبية، سعي لزيادة الصادرات، الشركات بتاخد الدولار من البنوك بأسعار السوق وده بيديها قدرة للإنتاج من تاني بعد خفض العمليات الإنتاجية الفترة اللي فاتت بسبب اختفاء الدولار اللازم لشراء المواد الخام، وده معناه حركة إنتاج وتصدير وجذب استثمارات".

واختتمت: "الصورة الكاملة بتقول.. كل ده جميل مع قرارات الاستثمار اللي صدرت قبل تحرير سعر الصرف لكن محتاجين إرادة حكومة في تشغيل المصانع المقفولة، محاربة الفساد بكل صوره، استعادة هيبة الدولة بقانون لا يرفع شعار غير الوطن أمانة والعدل أساس الحكم".