باسم يوسف : "النظام متضايق إن الناس تقرا ولا إن يكون فيه كرامة"

ندد الإعلامي الساخر باسم يوسف، بإغلاق المكتبة العامة الثالثة من سلسلة مكتبات الكرامة.

وقال في تدوينة عبر صفحته الرسمية على موقع التواصل الاجتماعي "فيس بوك": "جمال عيد واحد من الخونة العملاء بتوع "حروق الإنسان"، المهم الخاين العميل ده كسب جائزة دولية، وأخد للأسف فلوس كتير قيمة الجائزة".

وتابع: "عمل إيه الراجل ده بالفلوس؟ استخدمها عشان يفتح مكتبات لأطفال مصر في المحافظات وسماها "مكتبات الكرامة"، هل النظام متضايق من إنه يكون فيه مكتبات أو إن الناس تقرا ولا متضايق إنه يكون فيه كرامة؟".

وأضاف: "جمال عيد بتاع "حموم الإنسان" استحمل الملاحقة الشخصية وتم تجميد أمواله وأرصدته بس ده مش كفاية، مكتبة ورا التانية اتقفلت، ومش مهم الأطفال تقول ومش مهم الناس تتعلم، لا لغلق مكتبات الكرامة".
 

وأغلقت الأجهزة الأمنية بالزقازيق، مكتبة الكرامة، التابعة للحقوقى جمال عيد، مدير الشبكة العربية لمعلومات حقوق الإنسان.