مقتل مشجع مصري في "كافيه" أمام خطيبته عقب مباراة مصر والكاميرون

أعلن عدد من رواد موقع التواصل الاجتماعي "فيس بوك"، عن مقتل شاب في أحد الكافيهات الشهيرة بعد مباراة منتخبي مصر والكاميرون، في نهائي كأس الأمم الإفريقية.

اعلان

وقال أحد النشطاء ويُدعى "كريم هاشم": "مطعم ##### في شارع النزهة بيبلطجوا عالناس بعد الماتش وقفلوا الباب، وقالوا محدش هيخرج إلا لما نحاسب كل الناس".

وتابع: "قام شاب معاه خطيبته قال أنا عايز أحاسب وامشي، وشد مع شوية البلطجية دول، جه مدير المكان قال حساب الترابيزة دي معايا، وهو بيحاسبه حصل مشادة بينه وبين مدير المكان بسبب إن الولد بيقوله اللي بتعملوه ده بلطجة".

وأضاف: "قاله مش انت بتعلي صوتك هتشوف البلطجة بجد، وأول ما خرجوا من الكافيه ضربوه بكرسي على ضهره وطعنوه طعنتين بسكينه شفتهم بعيني فالمستشفى واحدة فالرئة وواحدة في بطنه، اتنقل الولد لمستشفى فلسطين ومنها على كليوبترا ومات في كليوبترا، الشاب اللي اتقتل اسمه محمود بيومي، واحد راح يتفرج على الماتش في "كافيه" رجع لأهله ميت".