بعد قتيل "كافيه النزهة".. ضحية جديدة لبلطجة أحد مطاعم مدينة نصر

لم يسدل الستار على قضية محمود بيومي قتيل كافية "كييف" بمنطقة مصر الجديدة، حتى انفجرت مدينة نصر بجريمة اعتداء جديدة على شاب من قبل بعض العاملين بأحد المطاعم الشهيرة.

ونشرت صفحة "مصر الجديدة" بموقع التواصل الاجتماعي "فيس بوك"، تدوينة عن قيام بعض العاملين بمطعم شهير بضرب شاب بـ"سيخ" حديد في رأسه، أثناء مباراة نهائي كأس أمم إفريقيا بين مصر والكاميرون.
 

ونشرت الصفحة صور الشاب وهو في العناية المركزة، معلقًة: "عبد الرحمن ضحية جديدة للبلطجة  ، ركن عربيته فى الشارع أمام مطعم،  قدام قسم مدينة نصر أول مكرم عبيد في مدينة نصر يوم ماتش مصر فى النهائي، وعلشان كان الماتش قرب يبدأ ساب رقم تليفونه على العربية وقال فيها أعطال".

وأوضحت: "فوجىء باتصال بعدها أن عربيته في الممنوع والونش هايسحبها رجع بسرعة ملقاش حاجة، قابله عمال المطعم قالوا أنهم اللي اتصلوا عليه وطلبوه يأخد عربيته،قالهم ده شارع ملك الحكومة وعربيته معطله، ضربوه بسيخ شاورما، حصل له كسر فى الجمجمة واتنقل للعناية المركزة".

وأضافت"اتقبض على عدد من العاملين فى المحل، بس كان صاحب المحل هرب العمال، واتخلى سبيل المقبوض عليهم لعدم وجود دلي، ده كلام والدة عبد الرحمن".

وتابعت: "محمود بيومي يتقتل فى قهوة في مصر الجديدة من يومين وعبد الرحمن ضحية تانية يى مدينه نصر، قيمنا وأخلاقايتنا اللي طول عمرها صفة مميزة للشخصية المصرية، محتاجة تنهض مرة أخرى ودى للمرة المليون مسؤولية جميع، بيت وتعليم وثقافة واعلام وفن وقانون، ولسه شباب كتير هاتروح طالما المسؤولين لسه بيقبضوا رشاوى".

وكان شاب يُدعى محمود بيومي، توجَّه برفقة خطيبته إلى كافيه" كييف" بمصر الجديدة؛ لمشاهدة نهائي كأس إفريقيا بين مصر والكاميرون، وعقب انتهاء المباراة أغلق عمال الكافيه المكان لأخذ الأجرة من الموجودين، فاعترض الشاب المجني عليه على سوء المعاملة، فنشبت بينه وبين عمال الكافيه مشاجرة تلقى على أثرها طعنتين في رئته وبطنه، توفى بعدها فى الحال.