عمرو سمير عاطف: ترامب سيواجه نفس مصير محمد مرسي

قال الكاتب ومؤلف السيناريو عمرو سمير عاطف، أن الرئيس اﻷمريكي دونالد ترامب، شخصية "هزلية"، بالرغم من ذكائه ونجاحه على المستوى الاقتصادي.
 

وكتب في تدوينة عبر صفحته الشخصية بموقع التواصل الاجتماعي "فيس بوك": "الانتقاد والرفض اللي بيواجههم ترامب، شبه الانتقاد والرفض اللى واجههم مرسي فى مصر، باستثناء ان فيه تهم مخيفة حقيقية بتواجه ترامب والكلام ابتدى يتقال بوضوح عن تدخلات روسية فى نتيجة الانتخابات واللى بناءً عليها أوباما فرض عقوبات على روسيا".

وأضاف: "ده غير إن فيه كلام برضه عن تنسيق بين ترامب والإدارة الروسية فى السر لأنهم ماسكين عليه سي دي فاضح بجد.. ترامب نفسه شخصية هزلية عجيبة أيوه هو أكيد ذكى وناجح بس فعلًا اللي بيحصل في امريكا يكاد يكون فيلم كوميدي من الدرجة التالتة".

وأكد: "ما اعتقدش أن ترامب هايكمل سنه ده مجرد كلام لا يعنينا في شئ، في الحقيقة لأن تغير السياسة اﻷمريكية أو الأوروبية لا يمكن يبقى في صالحك إلا إذا خططت لاستغلال التغير ده عشان تحقق أهداف واضحة، إما أنك تقعد حاطط إيدك على خدك ومستني ظروفك تتغير فده مستحيل".