بالصور| أشرف عبد الباقي يكشف هوية من نصبوا على "مسرح مصر" بالكويت

نشر الفنان أشرف عبد الباقي، صورة لشخصين من منظمين عروض "مسرح مصر"، الذي أقيم مؤخرًا في دولة الكويت، وتم النصب عليهم خلاله.

وقال أشرف تعليقًا على الصور التي نشرها عبر حسابه على موقع الصور الشهير "انستجرام": "هاني أبو الفضل أحمد عبد العطي، ده واحد من المنظمين في الكويت اللي تعاملوا معانا بمنتهي قلة الزوق، وواحد من تلاتة بوظوا التنظيم وأكلوا حقنا اللي واثقين في ربنا إنه هايرجعلنا حتى لو كان وراه حد كبير، هاني بيدعي إنه من الصعيد مع إن الصعايدة أجدع ناس، ياترى أهله عارفين عنه كده وسايبينه؟ أكيد مفهمهم إنه محترم وبيدي الناس حقهم".

وتابع: "ده تاني واحد من المنظمين اللي بالمناسبة خالفوا معظم بنود العقد واللي سببوا مشاكل مش بس لينا لكن للجمهور اللي حضر في الأربع أيام، ونقدر نشوف ده من الكومنتات والفيديو اللي هانزله، اسمه محمد عدنان سوري الجنسية مع إن السورين ناس بتوع شغل مش بتوع حركات".

وكان أشرف عبد الباقي وفريق مسرح مصر تعرضوا للنصب في الكويت من قبل المنظمين بعد أن شاركوا في مهرجان "هلا فبراير" منذ أسابيع قليلة.