عمرو بدر: مفيش مسؤول رد على محمد بن سلمان بنص كلمة

علّق عمرو بدر، عضو مجلس نقابة الصحفيين، على تصريح الأمير محمد بن سلمان، ولي ولي العهد السعودي، بشأن سعودية جزيرتي تيران وصنافير، قائلًا: «مفيش أي مسؤول رسمي رد عليه بنص كلمة».

وأضاف «بدر» في تدوينة على حسابه الشخصي عبر موقع التواصل الاجتماعي «فيس بوك»: «السادة المسؤولين اللي المفروض يدافعوا عن الأرض اعترفوا وأقروا من أول لحظة بأن الجزر مش بتاعتنا أصلا، مش بس كده دول زايدوا كمان وحبسوا الناس اللي قالت إن الجزر مصرية وشغلوا المخبرين عليهم هجوم وتشويه».

وتابع: « مفيش أي منطق ولا عقل في الدنيا ممكن يقول إن الخصم الوحيد في قضية الأرض بالنسبة لنا يبقى السلطة اللي دورها أصلا حماية الأرض».

وأردف عضو مجلس نقابة الصحفيين: «عموما من أول لحظة المواقف كانت واضحة، مين باع ومين فرط ومين صان ورفض ودفع التمن، تيران وصنافير قضية الفرز الحقيقي».

وقال الأمير محمد بن سلمان، ولي ولي العهد السعودي، إن الجزر مسجلة لدى السعودية ومصر ومراكز دولية أنها سعودية.

وتابع ولي ولي لعهد، في لقاء أذاعه التليفزيون السعودي، مساء أمس الثلاثاء، أن ما حدث بين مصر والسعودية بشأن الجزيرتين ما هو إلا ترسيم للحدود البحرية وليس تنازلًا.

شاهد الفيديو..