نجل محمود عبد العزيز يوجه رسالة لوالده بمناسبة شهر رمضان

وجه المنتج محمد محمود عبد العزيز، رسالة لوالده الفنان الراحل محمود عبد العزيز، بمناسبة حلول شهر رمضان.

وقال محمد عبر حسابه على موقع الصور الشهير "انستجرام": "كل سنة وحضرتك طيب وبخير يا أبويا وصاحبي وأخويا وكل ما ليا، أول مرة في حياتي ماتكونش معايا وقدام عنيا طول المدة دي، بس برضه كل سنة وحضرتك طيب لأني حاسس إنك بخير وفي مكان أحسن من اللي احنا فيه بكتير".

وتابع: "عايز أهدي لحضرتك كل حاجة بعملها، سواء إنتاج أو تمثيل أو أي حاجة كويسة ممكن أعملها وتبسطك، وأي خير بعمله أو بحاول إني أعمله زى ما حضرتك علمتني، السنادي بهدي حضرتك صيامي وكل ركعة وكل حرف هقرأه من المصحف الشريف اللي حضرتك ماكنتش بتسيبه، ربنا يتقبل مني ويقدرني وأبقى ربعك في أي حاجة".

وواصل: "رمضان كريم، كل سنة وحضراتكم جميعًا بألف صحة وسلامة وخير، ربنا يريح قلوبكم ويشفي كل مريض ويرجع كل بعيد ويصبر أي واحد موجوع ويهون علينا جميعًا يا رب بحق الشهر الفضيل".