مي كساب توجه رسالة لنجوم الكوميديا في رمضان 2017
وجّهت الفنانة مي كساب رسالة لأبطال الأعمال الكوميدية في الموسم الرمضاني 2017، خلصانة بشياكة، في اللالا لاند، ريّح المدام.
وكتبت «كساب» عبر حسابها الشخصي على موقع «إنستجرام»: «كلمتين من القلب.. سنة 2004 رشحني أحمد مكي وأحمد الفيشاوي لأستاذ شريف عرفه عشان بطوله تامر وشوقيه ساعتها ما كنتش فاهمه قوي الناس دي بتعمل ايه ولا عاوزين يقولو ايه كنت فرحانه جدا أني هامثل كوميدي واشوف شريف عرفه طبعا».
وتابعت مي: «بعد نجاح الجزء الاول فهمت ان الناس دي عندها فكر وعندها مدرسه جديده في الضحك والكوميديا وابتديت اذاكر واشتغل علي نفسي وبصراحة عمرو سمير عاطف وورشته كانو بيكتبو كتابه عظيمه كبرت المدرسه وجم الثلاثي العبقري شيكو وفهمي وهشام وبقو أوائل الفصل باعترف عمري في حياتي ما ضحكت اد ما ضحكت في فيلم سمير وشهير وبهبر انا من معجبيهم وباستني كل فيلم عشان أشوفهم هيعملو ايه عشان اتعلَّم منهم ويفتحولي دماغي».
وواصلت «كساب»: «عدت السنين وجت قدامي بنوتة باحبها من زمان وبأحب موهبتها وطول الوقت كنت باقول دي المنافسه بتاعتي بتغني وتمثل كوميدي وتراجيدي لحد ما جريت وسبقت بعيد وبقت الأولي ع الفصل بصراحه محظوظه ما شاء الله لقت المنتج الفنان هشام جمال اللي عرف ازاي يستغل كل موهبتها ويقول اهيه فنانه مصر الشاملة».
واختتم مي كساب حديثها قائلة: «مبروك يا حلوين كلكم شاطرين ومجتهدين فرحانه أني من جيلكم فرحانه بنجاحكم فرحانه أنكم بتحقفو احلامنا حتي لو كنت مش جزء منها انا مستمتعه بحاله الإبداع أحسنتم جميعا».
كلمتين من القلب سنه ٢٠٠٤ رشحني احمد مكي واحمد الفيشاوي لأستاذ شريف عرفه عشان بطوله تامر وشوقيه ساعتها ما كنتش فاهمه قوي الناس دي بتعمل ايه ولا عاوزين يقولو ايه كنت فرحانه جدا أني هامثل كوميدي واشوف شريف عرفه طبعا هييييييييه بعد نجاح الجزء الاول فهمت ان الناس دي عندها فكر وعندها مدرسه جديده في الضحك والكوميديا وابتديت اذاكر واشتغل علي نفسي وبصراحة عمرو سمير عاطف وورشته كانو بيكتبو كتابه عظيمه كبرت المدرسه وجم الثلاثي العبقري شيكو وفهمي وهشام وبقو أوائل الفصل باعترف عمري في حياتي ما ضحكت اد ما ضحكت في فيلم سمير وشهير وبهبر انا من معجبيهم وباستني كل فيلم عشان أشوفهم هيعملو ايه عشان اتعلَّم منهم ويفتحولي دماغي عدت السنين وجت قدامي بنوته باحبها من زمان وبأحب موهبتها وطول الوقت كنت باقول دي المنافسه بتاعتي بتغني وتمثل كوميدي وتراجيدي لحد ما جريت وسبقت بعيد وبقت الأولي ع الفصل بصراحه محظوظه ما شاء الله لقت المنتج الفنان هشام جمال اللي عرف ازاي يستغل كل موهبتها ويقول اهيه فنانه مصر الشاملة مبروك با حلوين كلكم شاطرين ومجتهدين فرحانه أني من جيلكم فرحانه بنجاحكم فرحانه أنكم بتحقفو احلامنا حتي لو كنت مش جزء منها انا مستمتعه بحاله الإبداع أحسنتم جميعا #ريح_المدام#خلصانه_بشياكه #في_اللالالاند
