رجل يفطر أول أيام رمضان بطعام أعدته زوجته المتوفاة منذ عام

ذكر شخص يُدعى أحمد خليفة، أنه تناول إفطار أول أيام شهر رمضان المبارك لهذا العام، من طعام أعدته زوجته المتوفاه منذ عام.

وقال في تدوينة عبر حسابه على موقع التواصل الاجتماعي "فيس بوك": "زوجتى الغالية، أقسمت بالله العظيم، أن أول يوم في رمضان أفطر من إيديكي، وكان نفسي أول يوم افطر معاكي جنب قبرك، لكن للأسف الظروف ما سمحتش".

وتابع: "الأكل دا انتي طبخاه من أكتر من سنة علشان وانتي مش موجودة أو مسافرة أطلع الأكل وأسخنه، وأنا بعد وفاتك أقسمت إن الأكل دا أفطر بيه أول يوم رمضان زي ما اتعودت إني أفطر من عمايل إديكي، وإنه يتحسبلك أجر إفطار صائم بإذن الله".

وواصل: "ـنا كاتب الكلام دا علشان الكل يعرف قد إيه كنتي شايلة همي، وبتدبريلى كل حياتي، وإن حزني وقهري عليكي مش من فراغ، وإن كل واحد عنده زوجة زيك يحافظ عليها، ربنا يرحمك برحمته الواسعة ويدخلك أعلى الجنان ويحتسبك من الشهداء والصدقين، اللهم ارحمها بفضل هذا الشهر الكريم".