«لف واحلم تاني».. مجموعة من الصور المهزوزة لجيل الثمانينات
بالتزامن مع انطلاق اليوبيل الذهبي لمعرض القاهرة الدولي للكتاب في دورته ال50، أصدر الكاتب والمخرج المسرحي ميشيل منير كتابه الجديد "لف واحلم تاني.. مجموعة من الصور المهزوزة"، عن دار أطلس للنشر والتوزيع، في معرض القاهره الدولي للكتاب لعام ٢٠١٩.
الكتاب يتحدث عن أبناء جيل الثمانينات والتسعينات وطريقة التربية وشكل الحياة في استرجاع مستمر للحنين للماضي.
ومن أجواء الكتاب نقرأ :
كل صورة تجعلك تبتسم وتتأمل وتحزن وتفكر .. وتسأل امتي كبرنا وامتي اتصورنا كل الصور دي. رتب الألبوم .. واعرف كام صورة اتهزت .. كام صورة واضحة .. خلي ضميرك وقلبك يفَرق بين الصور المهزوزة والسليمة .. ولو الصور اللي اتهزت زمان علشان كنت صغير انت دلوقتي كبرت واتعلمت .. بقيت حر بقيت بتتصور وبتصور ومفيش حاجة مُجبر عليها .. وفي المستقبل القريب هتكون مسئول عن صور أجيال جاية ..
ماتخليش أي حاجة زمان توقفك .. ماتخليش حاجة بكره تخوفك .. عيش دلوقتي .. حقق أحلامك دلوقتي .. دلوقتي هو مستقبلك وماضيك .. الصورة كده كده هتتصور بيك أو من غيرك فالأفضل إنك تكون جوه الكادر .. أنت أهم واحد في الصورة .. آمن بالفكرة دي علشان محدش غيرك يقدر يغيرها .. الصورة أقوى مستند لتوثيق اللحظة .. علشان كده ماينفعش تبقي مهزوزة.
