بعد إحراجه لأحد معجبيه.. مواقف عرضت محمود العسيلي لانتقادات الجمهور

انتشر عبر مواقع التواصل الاجتماعي فيديو من حفل للنجم محمود العسيلي، وهو يحرج أحد الحضور بعدما طلب أن يلتقط صورة معه.

 

 ليتوقف العسلي عن الغناء ويقول للمعجب "حضرتك معاك واسطة أو حاجة أو جامد جدًا مثلا..إنت بتحبني وكل الناس دي بتكرهني مثلا؟".

 

وتابع في الفيديو المنتشر"يعني لو اتصورت مع حضرتك مش لازم أتصور مع كل الناس دي صح ولا أنا غلطان؟".

 

ويبدو أن الانتقادات الكبيرة جعلت العسيلي يرد  على أحد جمهوره على تويتر بعدما علق على الفيديو" ايه موضوع الوسطه دا يا عسيلي هو لازم إللي يتصور معاك يبقي معاه واسطه ؟؟.

 

ليرد العسيلي" حضرتك فاهم الموضوع غلط خالص.. دي كانت حفلة كبيرة جدا فيها مئات الطلبة و واحد منهم مصمم يتصور و لو أتصورت معاه مش هاغني لأني لازم أتصور مع كل الناس اللي في الحفلة.. باقوله اشمعنا هاتصور مع حضرتك انت بس .. من فضلكم متحكموش على حاجة انتو مش فيها .. و شكرا".

 

وليست هذه المرة الأولى التي يضطر فيها العسيلي لتوضيح كلامه، والرد على الانتقادات التي توجه له.

 

ومنذ أسابيع اتهم العسيلي بالتنمر؛ لسخريته من هيئة الفنانة ميريام فارس بعد تصريحها المثير للجدل عن مصر واعتذرت عنه.

 

وكتب في وقتها  العسيلي عبر حسابه الشخصي على "تويتر": "كارتة وخانفة.. عشان كدة إنتي تقيلة على مصر"، لتنهال الانتقادات على العسيلي في وقتها لسخريته من شكلها .

 

 ليعود العسيلي ويوضح قائلا "إلى كل البني آدمين اللي شعركوا كيرلي أو أكرت أحب أقولكوا إن أمي شعرها أكرت، وأنا كنت أكرت قبل ما أبقى أقرع، وباعتذر لو سببت أي حساسية.. الموضوع مالوش أي دعوة بشعركوا التحفة الجميل اللي ربنا خلقه كدة.. أنا أقصد واحدة بس خانفة وكارتة استهزأت بمصر فقلت أردحلها شوية بالبلدي، الحمد لله العنصرية عمرها ما كانت من صفاتي، وأنا آسف".

 

 

 

وفي واقعة سابقة ،نشبت مشادة كلامية بين المطرب محمود العسيلي، ومتابعيه عبر مواقع التواصل الاجتماعي، بسبب تغريده.

 

  وكان "العسيلي"  كتب عبر حسابه الرسمي بـ "تويتر": "الإخوة اللي عايزين يبقوا ملحنين أو شعراء اللي بيبعتوا على الواتس الآب الخاص، ويكلمك فجأة على إنه متربي معاك وإنكو كنتوا مع بعض في المدرسة ويبعتلك إسهال من الأغاني، وسبحان الله كلهم الجو بتاعك ولايقيين عليك وباعتهملك مخصوص، بلوك مع جزيل الشكر، اسمع الخيال دا يانجم".

 

ليرد عليه الجمهور في وقتها بأنه شخصية عامة، وبعد الهجوم عليه في وقتها اضطر أن يكتب توضيح عبر توتير قائلا: "بالنسبة للهجوم الرهيب للتويتة السابقة، والناس اللي بتسخن على اَي حاجة، كل اللي اقصده، هم غزو الخصوصية على نمرة تليفوني الشخصية، شكرًا".

 

الأمر أيضا لا يقتصر على علاقة العسيلي بجمهوره، فسبق  في 2017 ونشبت مشادة  كلامية بين الفنان سامو زين والمطرب محمود العسيلي، على خلفية سخرية العسيلي من تجسيد "سامو" لدور "البلطجى" في أحد الأعمال الدرامية