3 عوامل تؤدي إلى نجاح الزواج

ذكرت الدكتورة دعاء راجح الاستشارية الاجتماعية والأسرية ثلاثة عوامل تؤدي إلى نجاح الزواج، ويجب التفكير فيها جيدا قبل إقرار الزواج.

وقالت راجح: "الزواج عدة مراحل؛ مرحلة الاختيار، ومرحلة الاختبار، ومرحلة التنفيذ" لافتة إلى أن مرحلة الاختيار "لازم تركز على نقطتين، تركز على نفسك أنت ووعيك بذاتك ومميزاتك وعيوبك الي ممكن تأثر على الجواز".

وطالبت راجح الشباب عبر تدوينة لها على موقع التواصل الاجتماعي فيسبوك: "وما تقلش أنا ناوي أتغير بعد الجواز، ولو عندك عادة سلبية ممكن هتعمل مشاكل هذبها من دلوقت، ما تقعدش تقول الظروف الىي حواليا هي الي بتطلع الحاجة دي، أو أنا هتجوز علشان مراتى أو جوزي يساعدني على القضاء على العادة دي".

وأضافت راجح: "لأنك طول ما أنت بترمي المسئولية على الي حواليك؛ هترميها برده على شريك حياتك مستقبلا"، ضبط نفسك علشان تكون أنت نفسك أهل للزواج، وبعدين حدد بالظبط أنت عايز إيه مواصفات محددة، وما ينفعش تقول متدينة وبنت حلال.. دي صفات عامة جدا

حدد بالظبط وبالتفاصيل".

وفيما يتعلق بمرحلة الاختبار، أوضحت راجح أنها تعني "مرحلة الخطوبة ودي مرحلة هيبان فيها إذا كان عندكم قابلية للتفاهم ولا لأ"، ناصحة الشباب: "ما تقعدوش تلعبوا على مشاعر بعض وتدلقوا عواطفكم كده من البداية، شوفوا هتقدروا تفهموا بعض وتتقبلوا بعض قبل الحب ما ينمو ولا لأ".

أما المرحلة الثالثة، في مرحلة مهمة جدا، وفق ما وصفتها الاستشارية الأسرية: "هتشوفوا فيها صفات بعض وقدرتكم على المشاركة والتعاون، هل فيه واحد عايز يفرض رأيه على التاني

دايما ويحسسه أنه غلط، هل فيه واحد بايع القضية ومحمل المسئولية كاملة على التاني، ومدى تدخل الأهل والأصدقاء في تقرير حياتكم".

وتابعت راجح: "هل فيه قدرة على الوصول لحلول وسط لو انتوا مختلفين في حاجة معينة، هل عندكم القدرة على التنازل المتبادل بينكم، هل بتقدروا تحلوا مشاكلكم واختلافاتكم من غير خناق، لافتة إلى أن "العوامل دي كلها مهم أنك تحطها في بالك قبل الزواج".

واختتمت راجح تدوينتها قائلة: "الزواج بطيخة بس احنا الي بننقيها، وجزء منها كبير بيتفتح قبل الجواز بس احنا الي مش بناخد بالنا منه، أو بنتجاهله أو بنمني نفسنا أنه هيتصلح بعد الجواز، لو ربنا وفقكم في الخطوات دي غالبا الجواز بينجح بعد كده بأمر الله".