بالصور.. مالك عدلي ينشر دراسة لـ"اليونيسكو" تثبت على مصرية "تيران وصنافير"

كشف  المحامي الحقوقي مالك عدلي، عن دراسة أجرتها اليونسكو عن طريق دكتور سمير غبور، المحاضر في قسم الموارد الطبيعية، بمعهد الأبحاء والدراسة والدراسات الأفريقية التابع لجامعة القاهرة سنة 1997، توكد مصرية جزيرتي "تيران وصنافير".

وقال عدلي، في تدوينة  عبر حسابه الشخصي بموقع التواصل الاجتماعي "فيس بوك": "طبعا أنا مصمم أجيب لحضراتكم مستندات رسمية من مؤسسات حكومية أو بحثية مصرية أو من هيئات دولية بتثبت مصرية تيران وصنافير بعد عام 1990.. ليه بقي؟ فاكرين؟ لأنه تاريخيًا الجزر دي مصرية ولا أحد ينازعنا في كده، من سنة 1906 يعني قبل وجود المملكة العربية السعودية نفسها".

وأضاف: "بالتالي لازم نرد على الإشاعة اللي بيتروجلها، بتاعة أن نظام مبارك هواللي تنازل عن الجزر سنة 1990 فنقول منك لله يا مبارك ونتشحتف على الجزر وننام،  بس الحقيقة وللتاريخ مبارك معملش كده ولا اللي بعده سواء كان المجلس العسكري أو مرسي، واذا دا كان واضح بالنسبة لفترة المجلس العسكري ومرسي فمهم برضه نوضحه بالنسبة لفترة مبارك".

وأوضح: "المهم بقي الدراسة دي عن مواقع التراث الطبيعي في الوطن العربي، بص على الصورة التانية هتلاقيها لصفحة من فهرس الدراسة وفيها مصر، وبتذكر 4 مواقع والموقع التالت هو محمية راس محمد البحرية.. الله وفين تيران وصنافير؟؟، تخش على الصورة التالتة هتلاقي الفقرة عن محمية رأس محمد في السطر السابع بتقول وتشمل هذه المحمية جزيرتي تيران وصنافير القريبتين منها بمدخل خليج العقبة وانه تم تطوير المواقع دي بالتعاون مع الإتحاد الأوروبي في الفترة من 1989 لـ 1994".

وتابع: "الحقيقة أننا محتاجين متخصص يترجم الفقرة دي عن وصف الجزيرتين وأهميتهم كأحد مواقع التراث الطبيعي العالمي وقد إيه هما مهمين بجد على هذا المستوى، يبقي مش بس تيران وصنافير مصرية، لا دول كمان من مواقع التراث الطبيعي العالمي المهمة يعني أهميتهم من  أهمية بقية آثارنا كده، ولما حد يقوللك دول شوية صخر ومالهمش لازمة تحاول تفهمه ولو صمم ميفهمش تروح مطلع المسطرة الحديد السخنة ولاسعه بيها وتقوله أنهم من مواقع التراث الطبيعي العالمي، اللي بتحوز اهتمام العالم كله وخاصة منظمة اليونسكو بسبب أهميتهم دي والحاجات دي لا تقدر بثمن واسأله تاخد كام في الهرم؟".

وتفصل المحكمة الإدارية العليا، غدًا الأثنين، في طعن هيئة قضايا الدولة على حكم القضاء الإداري ببطلان اتفاقية تيران وصنافير للحكم بجلسة.