أسماء محفوظ لمنتقدي آية حجازي: " مصر بلدكم بأمارة إيه؟"

انتقدت الناشطة السياسية أسماء محفوظ، الهجوم الذي تعرضت له آية حجازي، لا سيما بعد سفرها إلى أمريكا.

وقالت محفوظ في تدوينة عبر صفحتها الشخصية على موقع التواصل الاجتماعي "فيس بوك": " يعني قاعد في مصر ليك في السياسة أو ملكش فانت معّرض للاعتقال، مش عارف تحصل علي ابسط حقوقك كمواطن".

وأضافت: "أي كلمة هتكتبها أو هتقولها هتتخّون عليها..عايش في بلد مفيهاش شبر واحد أمان..مرتبك "ده لو أنت من المحظوظين وعندك شغل ثابت" مش بيكفي تعيش بيهم".

-وأردفت: "عايش من غير طموحات ومن غير أمل في بكرة، والمفروض اللي شغلتهم يحموك هما اللي بيقتلوكوغير ده كتير".

وتساءلت: "تقعد فيها ليه؟ تحتفظ بجنسيتك ليه؟ ليه متسعاش إنك تهرب من هنا

خايف يتقال عليك خاين؟ أنت أصلًا خاين طالما بتقول كل اللي فات ده..بتقول مقدرش اسيب بلدي؟، مضيفة: "بلدك؟ بجد بلدك؟ بأمارة ايه؟".

وختمت الناشطة السياسية تدوينتها قائلة: "ده السفر ده طوق النجاة الوحيد  اللي يزايد علي اللي بيسافر في نظري ده واحد مجتلوش الفرصة بس".

واستقبل الرئيس الأمريكي، دونالد ترامب، ونجلته إيفانكا، الناشطة آية حجازي، بالبيت الأبيض، وأعرب ترامب عن سعادته بهذا اللقاء قائلًا: «نحن سعداء جداً بعودة آية إلى الوطن. شرف كبير أن تتواجد معنا في المكتب البيضاوي».

وبرأت محكمة جنايات القاهرة، الأحد الماضي، الناشطة آية حجازي و7 آخرين، من تهمة استغلال أطفال الشوارع، بعد حبسها لنحو 3 سنوات.

وجاء إطلاق سراح آية بعد نحو أسبوع من عودة الرئيس عبدالفتاح السيسي من أمريكا، وكانت تقارير إعلامية ذكرت أن الرئيس الأمريكي دونالد ترامب طلب من السيسي خلال زيارة الأخير لواشنطن إطلاق سراح المعتقلين الأمريكيين في مصر.