مرتضي منصور لرئيس المقاصة: «أنت كداب»

شن مرتضى منصور، رئيس مجلس إدارة نادي الزمالك، هجومًا على الثلاثي هاني أبو ريدة، رئيس مجلس إدارة اتحاد الكرة، وثروت سويلم، المدير التنفيذي للجبلاية، و محمد عبدالسلام، رئيس مصر المقاصة.

وقال رئيس الزمالك: "أنا عايز راجل يطلع ويقولي إن الورق وجدول المباريات اللي معايا مزور ولو إنت راجل يا هاني أبوريدة أو ثروت سويلم تطلعوا تردوا عليا، أنا معايا جدول بيقولي إن مباراة المقاصة يوم السبت، وبعدين بتأجلوا المباراة على مزاجكم".

وتابع: "أنا فاكر عبد السلام راجل محترم بعتلي خطاب وقالي إنه هيطلب تأجيل علشان مينفعش نتعامل كده من اتحاد الكرة، يرجع في كلامه علشان انتهازي وعايز ياخد نقاط المباراة، ولو دكر صحيح اطلع وكدبني ومصر كلها عرفت حقيقتك خلاص، ويا اتحاد الكرة أنت مُنحل ومفيش فيكم راجل ومش هنلعب المباراة".