عمرو سمير عاطف: أبرياء سوريا سيدفعوا ثمن اغتيال السفير الروسي

علق المؤلف وكاتب السيناريو عمرو سمير عاطف، على حادث اغتيال السفير الروسي بالعاصمة التركية أنقرة.

وقال في تدوينة عبر حسابه على موقع التواصل الاجتماعي "فيس بوك": "يعنى لو الواحد حاول يتكلم بالعقل في جدوى العمليات الإرهابيه مقارنة بالعمليات العسكرية الحربية الموجهة ضد عرب أو مسلمين لأي سبب بيستغرب من الطريقة اللي بيفكروا بيها".

وتابع: "طيب أمريكا داخلة العراق تهده تمسحه تنهى وجود أي تهديد حالي أو مستقبلي وكذلك روسيا فى سوريا مثلاً، انت بتقتل سفير بتفجر عمارة وطيارة، بتدوس بعربية نقل ناس ماشية في شارع، في الحالتين أيوة فيه أبرياء وفي بلادنا الأبرياء أكتر مليون مرة بس نتيجة تفجير أو دهس أو قتل غادر مش نهاية عدوك بالعكس ده انت ها تموت وها تسيب نساء وأطفال وشيوخ ومستضعفين وسط اللي انت قتلت منهم مافيش معاهم حد يحميهم".

وأضاف: "يعني دلوقتي بعد قتل السفير وبعد حادثة برلين ها ينسحبوا من سوريا؟ بالعكس ده اللي ها يدفع التمن هما أبرياء ومستضعفي سوريا، انت عايز ايه بالظبط وامتا بالتحديد انتصرت بالطريقه دي، فابالتالي بتكررها؟".

واغتيل السفير الروسي بأنقرة، بعد تعرضه لهجوم مسلح مساء أمس الاثنين، خلال إلقائه كلمة، في افتتاح معرض فني بالعاصمة التركية، وتم تصفية القاتل في لحظتها.